“Sas aventuras de Pinocchio” de Collodi in editzione integrale
In cabudanni ant a essire “Sas aventuras de Pinocchio”, in editzione integrale, cun sas editziones Papiros. Ma comente mai “Pinocchio” e non “Pineddu” comente l’ant mutidu àteros? Diegu Corràine,...
1 MINUTI DI LETTURA
In cabudanni ant a essire “Sas aventuras de Pinocchio”, in editzione integrale, cun sas editziones Papiros. Ma comente mai “Pinocchio” e non “Pineddu” comente l’ant mutidu àteros? Diegu Corràine, tradutore de custa editzione: «Amus lassadu Pinocchio, ca lu connoschimus gosi in Sardigna e in su prus de sas limbas, francu s’ispagnolu “Pinocho” e su bascu e catalanu “Pinotxo” e carchi àtera limba. Lu leamus comente unu cale si siat nùmene de pessone, ca nos ammentat deretu su pessonàgiu de Collodi, sena cunsiderare chi s’autore at leadu, est beru, su sustantivu “pinocchio”, dae su lat. «*pinuculu(m)» chi in toscanu inditat su frutu de su ‘pinu’, in pare cun “pinolo” chi est prus impreadu como in italianu. Gasi etotu, in sardu e in àteras limbas amus lassadu Peter Pan e no amus postu Pedru Sartàine (e prus pagu Pietro Padella in it.), chi diat èssere istadu prus curiosu e “sardu” ma no ammentaiat deretu su contu de Barrie connotu gasi in su mundu».
Non lasciare decidere l'algoritmo:
scegli La Nuova Sardegna per le tue notizie su Google
