“Cannas a bentu” de Gràtzia Deledda luego in sas librerias
In sa sèrie “Iscritores de Sardigna”, Papiros editziones como est publichende, e at a èssere luego in sas librerias, “Cannas a bentu” de Gràtzia Deledda. Essidu a puntadas in “L’illustrazione...
1 MINUTI DI LETTURA
In sa sèrie “Iscritores de Sardigna”, Papiros editziones como est publichende, e at a èssere luego in sas librerias, “Cannas a bentu” de Gràtzia Deledda. Essidu a puntadas in “L’illustrazione italiana” in su 1913, e a pustis publicadu comente libru in su matessi annu, custu romanzu est de seguru su prus famadu de Gràtzia Deledda. Leat su nùmene e descriet su tema de sa debilesa umana e de su dolore de sa vida dae un’àtera òpera sua, “Elias Portolu”, publicada in su 1900-1903: «Òmines semus, Eli’, òmines dìligos che cannas, pessa·bi bene. In subra de nois b’at una fortza chi non podimus bìnchere». E difatis totu su libru tratat de sa debilesa umana, de s’amore, de s’onore, de sa poveresa e de su destinu giai sinnadu pro òmines e fèminas.
Comente “cannas a bentu”, sos pessonàgios intèrpretant sa visione chi Deledda teniat de sa Sardigna de tando, antis de semper, e de sa vida umana chi non podet cambiare sin non pro more de una fortza subranaturale.
Comente “cannas a bentu”, sos pessonàgios intèrpretant sa visione chi Deledda teniat de sa Sardigna de tando, antis de semper, e de sa vida umana chi non podet cambiare sin non pro more de una fortza subranaturale.
Non lasciare decidere l'algoritmo:
scegli La Nuova Sardegna per le tue notizie su Google
