Dae Orane a Londra e Milano cun sas bestes de belludu
de Tonino Bussu
Su contu e s’arte de su mastru de pannu prus famadu de Sardigna: Pàule Mòdolo «Una die soe dèpidu bolare a Roma pro su presidente de sa Repubblica Cossiga»
2 MINUTI DI LETTURA
ORANE. Pàule Mòdolo de Orane, su mastru de pannu prus famadu de Sardigna, una vida cun s’acu e su filu e, in parte, su picu puru in sas minieras de perda modde (talco) de sa Matta in Orane. Difatis s’ex presidente de sa Repubblica Frantziscu Cossiga una die, mentres li misuraiat una beste de belludu, l’aiat narau: una cosa nois tenimus in comunu: amus impreau totus a duos su picone, eo in polìtica, tue in miniera. E deretu si sunt postos a rìdere! Ma malu mih!
Pàule, cando at comintzau a fàghere su brincu mannu pro s’arte tua?
«Dae cando su belludu cosiu dae mene l’at bistu s’ex presidente de sa Repubblica Frantziscu Cossiga chi deretu m’at giamadu e deo soe dèpidu bolare a Roma, l’apo pigau sas misuras e l’apo perparadu sa beste in su ziru de pacas oras. E est abarradu incantadu! Dae tando su presidente a medas intervistas in televisione andaiat cun sas bestes elegantes e fines de belludu e a sas intervistadoras, a bortas, lis poniat s’òbligu de li fàghere sa dimanda pro faeddare de custa beste de su pastore e duncas de s’atelier de Pàule Mòdolo».
Ma a pustis sunt capitaos puru àteros personàgios de importu?
«Eh, paritzos. Intantu sos artistas. Su primu, depo nàrrere cando ipo zovanoto, tziu Titinu Nivola; tando tenio 19 annos, Nivola fiat unu zigante, m’aiat ordinau una beste e in càmbiau m’aiat donau un’òpera sua, un’ispantu e cun una dèdica a modu suo: “A Pauleddu, s’arte tua pro s’arte mea”. Ma eo tando non m’intendio de arte e l’apo donada a un’amicu».
E àteros artistas?
«Ateros medas, bastat a pessare a Vittòrio Sgarbi, chi est pròpiu unu testimonial de sas bestes de belludu. Est bènniu medas bortas a Orane e at fatu connòschere a totus sos artistas amigos suos sa bellesa, su balore e su patrimòniu artìsticu nostru».
E tando bi sunt istadas sas ispetaculares isfiladas de moda, prima in su Gologone, tando in su Monte de Gonare e a pustis in Itàlia e in s’èstero?
«Apo fatu medas isfiladas prenende su Gologone, su Monte Gonare o s’iscalinala de Bonària in Casteddu e tzitades italianas e èsteras de belludu e de zende. E meda fiat s’interessu e sa curiosidade pro custu patrimòniu istilìsticu nostru; e fortzis aiamus intzertau puru sa formula de sas manifestatziones, in Gonare, pro nàrrere, cun Maria Columbu, Caterina Murinu e àteras, chi Gonare fiat diventada una localidade màgica e cun issa su belludu. Ma puru in Londra, Roma, Firenze, Milano, Tokio, Tunisi, Piacenza, fiant semper pienas de zente chi premiaiat sa calidade, sa traditzione, s’innovatzione, s’arte, sa passione e sa bellesa de s’istile de sa sartoria Mòdolo».
Pàule, cando at comintzau a fàghere su brincu mannu pro s’arte tua?
«Dae cando su belludu cosiu dae mene l’at bistu s’ex presidente de sa Repubblica Frantziscu Cossiga chi deretu m’at giamadu e deo soe dèpidu bolare a Roma, l’apo pigau sas misuras e l’apo perparadu sa beste in su ziru de pacas oras. E est abarradu incantadu! Dae tando su presidente a medas intervistas in televisione andaiat cun sas bestes elegantes e fines de belludu e a sas intervistadoras, a bortas, lis poniat s’òbligu de li fàghere sa dimanda pro faeddare de custa beste de su pastore e duncas de s’atelier de Pàule Mòdolo».
Ma a pustis sunt capitaos puru àteros personàgios de importu?
«Eh, paritzos. Intantu sos artistas. Su primu, depo nàrrere cando ipo zovanoto, tziu Titinu Nivola; tando tenio 19 annos, Nivola fiat unu zigante, m’aiat ordinau una beste e in càmbiau m’aiat donau un’òpera sua, un’ispantu e cun una dèdica a modu suo: “A Pauleddu, s’arte tua pro s’arte mea”. Ma eo tando non m’intendio de arte e l’apo donada a un’amicu».
E àteros artistas?
«Ateros medas, bastat a pessare a Vittòrio Sgarbi, chi est pròpiu unu testimonial de sas bestes de belludu. Est bènniu medas bortas a Orane e at fatu connòschere a totus sos artistas amigos suos sa bellesa, su balore e su patrimòniu artìsticu nostru».
E tando bi sunt istadas sas ispetaculares isfiladas de moda, prima in su Gologone, tando in su Monte de Gonare e a pustis in Itàlia e in s’èstero?
«Apo fatu medas isfiladas prenende su Gologone, su Monte Gonare o s’iscalinala de Bonària in Casteddu e tzitades italianas e èsteras de belludu e de zende. E meda fiat s’interessu e sa curiosidade pro custu patrimòniu istilìsticu nostru; e fortzis aiamus intzertau puru sa formula de sas manifestatziones, in Gonare, pro nàrrere, cun Maria Columbu, Caterina Murinu e àteras, chi Gonare fiat diventada una localidade màgica e cun issa su belludu. Ma puru in Londra, Roma, Firenze, Milano, Tokio, Tunisi, Piacenza, fiant semper pienas de zente chi premiaiat sa calidade, sa traditzione, s’innovatzione, s’arte, sa passione e sa bellesa de s’istile de sa sartoria Mòdolo».
Non lasciare decidere l'algoritmo:
scegli La Nuova Sardegna per le tue notizie su Google
