De cantos colores podent èssere sos pitzinnos? De cada colore!
De cantos colores podent èssere sos pitzinnos? Lu podimus iscobèrrere faghende·nos agiuare dae s’alfabetu, ma mescamente osservende·los: sos giogos, sos sentidos, sas ideas e sos bisos los colorant...
1 MINUTI DI LETTURA
De cantos colores podent èssere sos pitzinnos? Lu podimus iscobèrrere faghende·nos agiuare dae s’alfabetu, ma mescamente osservende·los: sos giogos, sos sentidos, sas ideas e sos bisos los colorant in manera diferente. Tando cumprendimus chi b’at pitzinnos... de colore biaitu, de colore nieddu, biancu, fùcsia... B’at finas “pitzinnos rujos, ca sunt cuntentos mannos, ca ant leadu su sole, ca si sunt postos a cùrrere a totu fua, ca est Pasca de Nadale!” Totu custu lu podent imparare sos pitzinnos de sos primos annos de s’iscola elementare in “Librigheddu pro pitzinnos de cada colore”, iscritu e pintadu dae s’artista Eva Rasano, publicadu como dae sas ed. Papiros, bortadu in sardu dae Diegu Corràine. Custa òpera de 50 pàg. est unu “càntigu a sas diferèntzias” cunsideradas comente valore universale. S’artista, nàschida in Casteddu in su 1970, at illustradu e iscritu deghinas de libros pro pitzinnos cun editores italianos e de àteros logos. E como at cumintzadu a publicare in sardu.
Non lasciare decidere l'algoritmo:
scegli La Nuova Sardegna per le tue notizie su Google
