Sa moda de “Poetry slam”: ma semper de gara poètica si tratat
S’anglomania est currende a totu fua e est “cundende” sas limbas chi si cherent autocolonizare. Una de sas ùrtimas modas est sa de “poetry slam”, chi cheret nàrrere... “gara de poesia”. Podet èssere...
1 MINUTI DI LETTURA
S’anglomania est currende a totu fua e est “cundende” sas limbas chi si cherent autocolonizare. Una de sas ùrtimas modas est sa de “poetry slam”, chi cheret nàrrere... “gara de poesia”. Podet èssere una gara de poesia a s’americana, ma semper de “gara (o ‘cuncursu’, ‘torneu’) poètica” si tratat! Però, a lu nàrrere in inglesu paret totu un’àtera cosa, ponende in fatu a custa mania! De seguru b’at a èssere calicunu chi at a nàrrere chi “poetry slam” non si podet espressare in àtera manera o limba. Est craru chi, tando, sighende custu pessu, “gara poètica” paret una cosa rùstica, grussera, de “bidda”! Totu fàulas chi derivant dae su cumplessu de inferioridade o dae sa “devotzione” a cunfrontu cun s’inglesu. Est comente “(poetry) reading”, chi no est àteru si no una “rètzita (o ‘letura’) poètica (o ‘de poesia’)”. Tocat a parare fronte a custa tendèntzia (o ‘trend’ diat nàrrere s’anglòmane), torrende a su connotu de sas limbas nostras. (d.c.)
Non lasciare decidere l'algoritmo:
scegli La Nuova Sardegna per le tue notizie su Google
