Kevin Brooks e sos pitzocos «Semper che pare sunt»
de Juanna Frantzisca Orunesu
S’iscritore inglesu oe in Santa Luchia pro su festival Maremè de Thiniscole «Su bonu de sas diferèntzias sunt in generale superfitziales ebbia»
2 MINUTI DI LETTURA
Orunesu
THINISCOLE. Kevin Brooks est unu de sos iscritores pro pitzocos intre sos prus connòschidos. Inglesu, classe 1959, in antis de iscrìere fiat musitzista punk, controllore ferroviàriu, impiegadu in sas postas. In custas dies nch’est in Thiniscole pro su festival “Maremè”. L’amus intervistadu pro connòschere mègius su mundu suo.
Ses un’iscritore prolìficu cun unu pùblicu de letores bene definidu. Conta·nos de su mercadu editoriale in contu de romanzos pro pitzocos in su Rennu unidu.
«Finas a pagu tempus a como custu mercadu fiat prus chi non pròsperu. Impressionante a beru cun grandu cantidade de iscritores e romanzos ispantosos. A su presente b’at agigu de crisi. No est sa fine de su mundu, ma semus chirchende de cumprèndere si est cosa de pagu tempus o mancu».
Johnny Delgado, PI John Crane e Travis Delaney sunt sos personàgios de sas tres sèries tuas chi galu sunt a tradùere in italianu. Ite los diferèntziat?
«Totu cantos investigadores privados sunt, ma Crane est un’òmine mannu; Delgado e Delaney sunt adolescentes. De prus, sos libros cun Delgado sunt romanzos curtzos ambientados in sos apendìtzios pòberos e abolotados de Londra. Sas cun Delaney sunt imbetzes istòrias longas cun iscenàrios e ambientatziones diferentes».
Iboy, unu intre sos libros traduidos, l’as a presentare in su festival Maremè de Thiniscole (oe, a sas 10.30 in Santa Luchia). S’istòria bàntzigat intre su bisòngiu de sa giustìtzia e s’ispìritu de sa vindita. Cale est sa làcana, mescamente pro sos pitzocos?
«Est una chistione tzentrale de su libru. Si tenimus poderios istraordinàrios, comente est a los impreare? Deretu tenimus de giuigare o de punire sos àteros? E in cale manera seberamus a chie agiuare? Comente in totus sos libros meos deo non nde fruno de rispostas. No est còmpitu meu. E nemmancu las connosco, sas rispostas».
As esordidu cun Martyn Pig, unu pitzocu de 14 annos, cando nch’aias barigadu sos 40. Cantu b’at de autobiogràficu in sos contos tuos? E cantu est diferente sa gioventude de oe dae sa tua?
«In su bonu de sos libros meos non b’at unu ligàmene deretu intre mene e sos personàgios de s’istòria. Ma est impossìbile a iscrìere sena chi essant a campu sos elementos de sa personalidade mea. Naturale, b’at unas cantas diferèntzias intre sa gioventude mea e sa de como, ma su bonu de custas, finamentas sas prus òvias, sunt in generale superfitziales ebbia. Sas chistiones reales, est a nàrrere sas cosas chi iscrio – sas emotziones, sa cunditzione umana, sas chistiones de vida e de morte – semper che pare sunt».
THINISCOLE. Kevin Brooks est unu de sos iscritores pro pitzocos intre sos prus connòschidos. Inglesu, classe 1959, in antis de iscrìere fiat musitzista punk, controllore ferroviàriu, impiegadu in sas postas. In custas dies nch’est in Thiniscole pro su festival “Maremè”. L’amus intervistadu pro connòschere mègius su mundu suo.
Ses un’iscritore prolìficu cun unu pùblicu de letores bene definidu. Conta·nos de su mercadu editoriale in contu de romanzos pro pitzocos in su Rennu unidu.
«Finas a pagu tempus a como custu mercadu fiat prus chi non pròsperu. Impressionante a beru cun grandu cantidade de iscritores e romanzos ispantosos. A su presente b’at agigu de crisi. No est sa fine de su mundu, ma semus chirchende de cumprèndere si est cosa de pagu tempus o mancu».
Johnny Delgado, PI John Crane e Travis Delaney sunt sos personàgios de sas tres sèries tuas chi galu sunt a tradùere in italianu. Ite los diferèntziat?
«Totu cantos investigadores privados sunt, ma Crane est un’òmine mannu; Delgado e Delaney sunt adolescentes. De prus, sos libros cun Delgado sunt romanzos curtzos ambientados in sos apendìtzios pòberos e abolotados de Londra. Sas cun Delaney sunt imbetzes istòrias longas cun iscenàrios e ambientatziones diferentes».
Iboy, unu intre sos libros traduidos, l’as a presentare in su festival Maremè de Thiniscole (oe, a sas 10.30 in Santa Luchia). S’istòria bàntzigat intre su bisòngiu de sa giustìtzia e s’ispìritu de sa vindita. Cale est sa làcana, mescamente pro sos pitzocos?
«Est una chistione tzentrale de su libru. Si tenimus poderios istraordinàrios, comente est a los impreare? Deretu tenimus de giuigare o de punire sos àteros? E in cale manera seberamus a chie agiuare? Comente in totus sos libros meos deo non nde fruno de rispostas. No est còmpitu meu. E nemmancu las connosco, sas rispostas».
As esordidu cun Martyn Pig, unu pitzocu de 14 annos, cando nch’aias barigadu sos 40. Cantu b’at de autobiogràficu in sos contos tuos? E cantu est diferente sa gioventude de oe dae sa tua?
«In su bonu de sos libros meos non b’at unu ligàmene deretu intre mene e sos personàgios de s’istòria. Ma est impossìbile a iscrìere sena chi essant a campu sos elementos de sa personalidade mea. Naturale, b’at unas cantas diferèntzias intre sa gioventude mea e sa de como, ma su bonu de custas, finamentas sas prus òvias, sunt in generale superfitziales ebbia. Sas chistiones reales, est a nàrrere sas cosas chi iscrio – sas emotziones, sa cunditzione umana, sas chistiones de vida e de morte – semper che pare sunt».
Non lasciare decidere l'algoritmo:
scegli La Nuova Sardegna per le tue notizie su Google
