Quebec, Cànada
Unu cursu in Montreal pro faeddos e fràsias
de Màuru Piredda
TÀTARI. Chi siant emanatzione de programmas regionales in contu de amparu (che a su cursu bàsicu Cubas) o chi siant aprontados cun voluntarismu mannu dae sos assòtzios chi istimant sa limba nostra,...
3 MINUTI DI LETTURA
TÀTARI. Chi siant emanatzione de programmas regionales in contu de amparu (che a su cursu bàsicu Cubas) o chi siant aprontados cun voluntarismu mannu dae sos assòtzios chi istimant sa limba nostra, cursos de sardu bi nd’at in totue peri sa Sardigna. De sardu iscritu, est a lu pretzisare. Cursos ortogràficos chi a bias pigant sos inditos dae sos critèrios de sa limba comuna e chi àteras bortas punnat a mòvere dae sos limbàgios de sos duos cabos geogràficos de s’ìsula. Ma si su sardu nch’est in intro de sos chi nch’istant in aterue est possìbile chi custos cursos essant a campu a tesu dae nois. Maria Giuanna Filia est nàschida in Montreal (Quebec, Cànada) 58 annos a su mese ch’intrat.
Su babbu nche fiat in cue dae su 1951, sa mama dae su 1960: ambos duos sardos.
Issa como, cojuada e afigiada, poliglota, baccalauréat a s’Universidade Mcgill e master a sa Héc di Montreal in butzaca, est diretora sanitària de unu tzentru Ciusss (Centre intégré universitaire de santé et de services sociaux). Semper in sa tzitade prus manna de su Cànada francòfonu, at contribuidu meda a s’assòtziu de sos sardos. A concruos de s’istiu unu professore de limbas de s’Universidade l’at invitada pro aprontare unu cursu de sardu in intro de “Sa die de sas limbas” (eventu chi bidet sa sinergia de su Consìgiu de Europa e de su tzìrculu de letura “Lisez l’Europe” de su Goethe institut).
«Apo fatu unu cursu de introdutzione a sa limba sarda in s’Universidade – narat Filia – su 20 de cabudanni. Su cursu duraiat pagu prus o mancu barantaghimbe minutos e b’ant pigadu parte in bìndighi. Nemmancu unu fiat italianu e chimbe de issos nche fiant cròmpidos a Sardigna in antis de tando». «Bene bènnidos», «Ite ti naras tue?», «Sa die de oe est... », «Istòria de Sardigna» e àteras diapositivas pro comintzare s’arresonu. «Fiat unu cursu interativu in frantzesu e in sardu e a totu cantos lis apo dadu sa possibilidade de praticare sos faeddos e sas espressiones chi lis fia imparende. De prus, ant pòdidu ascurtare su sardu dae sa boghe de Nanni Falconi leghende una poesia sua, “Stimada mia”, chi bi lis apo traduida in frantzesu pro chi la sighirent e cumprenderent mègius. Finamentas issos ant proadu a la resare in sardu, resessende·bi».
“Sa die de sas limbas”, in cue, la festant dae su 2001. «Ma petzi ocannu ant disinnadu de presentare finamentas su sardu». Issa narat de l’àere imparadu in domo: «Totu lu cumprendo, e m’agradat». E a sos dischentes suos lis at propostu àteras letziones, bator, «pro imparare faeddos e fràsias de giudu». «Los apo a preparare – sighit Filia – cun s’agiudu de collaboradores de Sardigna, e a su nessi chimbe dischentes sunt interessados».
Su babbu nche fiat in cue dae su 1951, sa mama dae su 1960: ambos duos sardos.
Issa como, cojuada e afigiada, poliglota, baccalauréat a s’Universidade Mcgill e master a sa Héc di Montreal in butzaca, est diretora sanitària de unu tzentru Ciusss (Centre intégré universitaire de santé et de services sociaux). Semper in sa tzitade prus manna de su Cànada francòfonu, at contribuidu meda a s’assòtziu de sos sardos. A concruos de s’istiu unu professore de limbas de s’Universidade l’at invitada pro aprontare unu cursu de sardu in intro de “Sa die de sas limbas” (eventu chi bidet sa sinergia de su Consìgiu de Europa e de su tzìrculu de letura “Lisez l’Europe” de su Goethe institut).
«Apo fatu unu cursu de introdutzione a sa limba sarda in s’Universidade – narat Filia – su 20 de cabudanni. Su cursu duraiat pagu prus o mancu barantaghimbe minutos e b’ant pigadu parte in bìndighi. Nemmancu unu fiat italianu e chimbe de issos nche fiant cròmpidos a Sardigna in antis de tando». «Bene bènnidos», «Ite ti naras tue?», «Sa die de oe est... », «Istòria de Sardigna» e àteras diapositivas pro comintzare s’arresonu. «Fiat unu cursu interativu in frantzesu e in sardu e a totu cantos lis apo dadu sa possibilidade de praticare sos faeddos e sas espressiones chi lis fia imparende. De prus, ant pòdidu ascurtare su sardu dae sa boghe de Nanni Falconi leghende una poesia sua, “Stimada mia”, chi bi lis apo traduida in frantzesu pro chi la sighirent e cumprenderent mègius. Finamentas issos ant proadu a la resare in sardu, resessende·bi».
“Sa die de sas limbas”, in cue, la festant dae su 2001. «Ma petzi ocannu ant disinnadu de presentare finamentas su sardu». Issa narat de l’àere imparadu in domo: «Totu lu cumprendo, e m’agradat». E a sos dischentes suos lis at propostu àteras letziones, bator, «pro imparare faeddos e fràsias de giudu». «Los apo a preparare – sighit Filia – cun s’agiudu de collaboradores de Sardigna, e a su nessi chimbe dischentes sunt interessados».
Non lasciare decidere l'algoritmo:
scegli La Nuova Sardegna per le tue notizie su Google
