Iscrie una lìtera a sos tres res acumprit 28 annos de vida
A su cuncursu organizadu dae Papiros b’ant leadu parte prus de 14.500 iscolanos Cherent imbiadas intro de su 7 de Nadale. Sa premiatzione su 6 de ghennàrgiu
01 dicembre 2019
2 MINUTI DI LETTURA
NÙGORO. Su cuncursu “Iscrie una lìtera a sos tres res” est arribbadu a su de 28 annos de vida! Che a semper, est riservadu a iscolanos de sas iscolas elementares de Sardigna, chi podent iscrìere in sardu una lìtera a sos Tres res, pro lis contare sos pessamentos o pro pedire carchi cosa pro issos etotu, sos familiares o sos amigos.
S’organizadore de su cuncursu est Papiros, sotziedade editoriale nugoresa ispetzializada in sa publicatzione de libros in sardu mescamente pro pitzinnos. Sa tzerimònia de cuncruimentu de sa premiatzione de sos autores de sas mègius 60 lìteras at a èssere in Nùgoro su 6 de ghennàrgiu de su 2020. In custa ocasione at a èssere presentadu e dadu in donu su libreddu de sas 60 lìteras 2020 publicadas, e, petzi a sos binchidores, unu giogu a incastros de 100 tèsseras. Libru e giogu ant a èssere illustrados dae una figura pintada a posta, dae s’artista famada Eva Rasano.
In totu sos annos de su cuncursu, b’ant leadu parte prus de 14.500 iscolanos. Che a s’annu passadu, in custa editzione 28, pro èssere atzetadas in su cuncursu, sas lìteras cherent imbiadas dae sa casella de posta eletrònica de s’iscola de apartenèntzia (non dae sa casella personale de sos iscolanos), iscritas in formadu “word”, a: sos3res@gmail.com, intro de su 7 de Nadale de su 2019.
Duncas, pro leare parte balet petzi sa lìtera imbiada in formadu word.
In su matessi tempus, però, dae s’iscola de apartenèntzia cheret imbiada finas sa lìtera iscrita a manos dae s’iscolanu, in busta intestata, a: Sos tres res, c. de Lombardia 46, 08100 Nùgoro / Nuoro. Su finantziamentu de su cuncursu est asseguradu dae donatziones de privados e dae una Regorta-fundos tràmite Internet https://buonacausa.org/cause/iscrie-una-l-tera-a-sos-tres-res-2020), dae amigos de sa limba sarda e de sos amigos de Gasparru, Mertzioro, Baldassarru.
S’organizadore de su cuncursu est Papiros, sotziedade editoriale nugoresa ispetzializada in sa publicatzione de libros in sardu mescamente pro pitzinnos. Sa tzerimònia de cuncruimentu de sa premiatzione de sos autores de sas mègius 60 lìteras at a èssere in Nùgoro su 6 de ghennàrgiu de su 2020. In custa ocasione at a èssere presentadu e dadu in donu su libreddu de sas 60 lìteras 2020 publicadas, e, petzi a sos binchidores, unu giogu a incastros de 100 tèsseras. Libru e giogu ant a èssere illustrados dae una figura pintada a posta, dae s’artista famada Eva Rasano.
In totu sos annos de su cuncursu, b’ant leadu parte prus de 14.500 iscolanos. Che a s’annu passadu, in custa editzione 28, pro èssere atzetadas in su cuncursu, sas lìteras cherent imbiadas dae sa casella de posta eletrònica de s’iscola de apartenèntzia (non dae sa casella personale de sos iscolanos), iscritas in formadu “word”, a: sos3res@gmail.com, intro de su 7 de Nadale de su 2019.
Duncas, pro leare parte balet petzi sa lìtera imbiada in formadu word.
In su matessi tempus, però, dae s’iscola de apartenèntzia cheret imbiada finas sa lìtera iscrita a manos dae s’iscolanu, in busta intestata, a: Sos tres res, c. de Lombardia 46, 08100 Nùgoro / Nuoro. Su finantziamentu de su cuncursu est asseguradu dae donatziones de privados e dae una Regorta-fundos tràmite Internet https://buonacausa.org/cause/iscrie-una-l-tera-a-sos-tres-res-2020), dae amigos de sa limba sarda e de sos amigos de Gasparru, Mertzioro, Baldassarru.
