SU brexitòlogu Maurìtziu Carta
Como un’acordu bonu pro su Rennu unidu
de Màuru Piredda
LONDRA. «Should I stay or should I go?». Sos inglesos ant cunfirmadu sa segunda optzione dende sa majoria de sos votos a chie cheret acumprire su protzessu de sa Brexit. Sas eletziones de deghe dies...
3 MINUTI DI LETTURA
LONDRA. «Should I stay or should I go?». Sos inglesos ant cunfirmadu sa segunda optzione dende sa majoria de sos votos a chie cheret acumprire su protzessu de sa Brexit. Sas eletziones de deghe dies a oe fiant difatis unu segundu referendum in contu de permanèntzia o mancu in s’Unione europea. Ma in sa mesa b’amus finamentas su tema de sa permanèntzia de s’Iscòtzia e de s’Irlanda de su nord in su Rennu unidu. «Anarchy in Uk?». Lassemus·nche a banda Clash e Sex Pistols e, in s’ìnteri chi su Labour a manos iscutas si linghet sas fertas (baddu a l’ischire si sa collocatzione sua atuale at a egemonizare s’opositzione a sas polìticas ultraliberistas de sos Tories), proemus a pònnere sas guarnissas giustas a s’arresonu in pare cun Maurìtziu Carta, giornalista de The Post Internazionale e brexitòlogu.
Ite at a acontèssere como cun su guvernu Johnson?
«In custas votatziones, chi fiant unu segundu referendum Brexit, sa gente at naradu sa sua. Johnson at conduidu su partidu cunservadore conca a positziones galu prus de destra cun s’idea de fàghere de su Rennu unidu un’istadu galu prus forte. Essende·si·nche dae s’Ue pensat chi lu diat pòdere fàghere. Ma como devet chircare de otènnere un’acordu bonu cun Bruxelles. E custu est su traballu prus mannu».
A bisu de su regista Ken Loach, como, su venidore de sos traballadores est prus chi non nieddu. Immàgina·ti una pellìcula noa sua in tempos de Brexit. Ite tipu de protagonista diamus connòschere?
«A conca mea diat èssere unu personàgiu chi non pessighit su cunsensu narende cosas chi cuntentent a totus, ma chi sèberat de rapresentare una parte de sa gente a su preju de pèrdere ma mantenende s’ideale suo. Unu chi preferit de rapresentare imbetzes de nàrrere cosas petzi pro imbarcare a totus e perdende, ma chin sa cussèntzia neta».
Su Labour trampadu dae sa chistione Brexit perdet nointamen unu programma atzudu e unu movimentu a sustegnu de Corbyn. S’opositzione sua cara a sas polìticas de sos Tories comente at a èssere? Prus modde, prus avantzada?
«Corbyn e sos suos ant isballiadu a non cumprèndere chi s’arresonu printzipale fiat sa Brexit e chi su restu, pro como, non contaiat. Est istadu pagu craru e privu de una positzione definida a in custa chistione e sa gente, a su presente, cheret rispostas làdinas: o arbu o nieddu, sena isfumaduras. Pro cumprèndere su chi at a fàghere su partidu tocat de isetare su leader nou, a s’annu nou. Ma su vèrtitze de su Labour est galu in manos in manos de Momentum (su movimentu pro Corbyn, ndc) chi preferit una polìtica orientada a su sotzialismu originàriu».
Cales sunt sas prospetivas de s’indipendèntzia iscotzesa e de s’unidade irlandesa?
«S’Iscòtzia est prus de 300 annos in pare cun s’Inghilterra e su Galles, ma sos indipendentistas sunt meda e votant cumpatos a su Snp; guvernant in domo issoro, tenent prus de 120mìgia iscritos e ant pigadu paritzos iscrannos. E sunt finamentas crèschidos in su parlamentu de Londra sos chi cherent s’Irlanda unida. Una bruverera potentziale. Una cosa naro, a concruos: s’istòria punnat semper a fàghere unu giru mannu pro torrare posca a su logu suo, mancari a pustis de sèculos. A bìdere istemus».
©RIPRODUTZIONE RISERVADA
Ite at a acontèssere como cun su guvernu Johnson?
«In custas votatziones, chi fiant unu segundu referendum Brexit, sa gente at naradu sa sua. Johnson at conduidu su partidu cunservadore conca a positziones galu prus de destra cun s’idea de fàghere de su Rennu unidu un’istadu galu prus forte. Essende·si·nche dae s’Ue pensat chi lu diat pòdere fàghere. Ma como devet chircare de otènnere un’acordu bonu cun Bruxelles. E custu est su traballu prus mannu».
A bisu de su regista Ken Loach, como, su venidore de sos traballadores est prus chi non nieddu. Immàgina·ti una pellìcula noa sua in tempos de Brexit. Ite tipu de protagonista diamus connòschere?
«A conca mea diat èssere unu personàgiu chi non pessighit su cunsensu narende cosas chi cuntentent a totus, ma chi sèberat de rapresentare una parte de sa gente a su preju de pèrdere ma mantenende s’ideale suo. Unu chi preferit de rapresentare imbetzes de nàrrere cosas petzi pro imbarcare a totus e perdende, ma chin sa cussèntzia neta».
Su Labour trampadu dae sa chistione Brexit perdet nointamen unu programma atzudu e unu movimentu a sustegnu de Corbyn. S’opositzione sua cara a sas polìticas de sos Tories comente at a èssere? Prus modde, prus avantzada?
«Corbyn e sos suos ant isballiadu a non cumprèndere chi s’arresonu printzipale fiat sa Brexit e chi su restu, pro como, non contaiat. Est istadu pagu craru e privu de una positzione definida a in custa chistione e sa gente, a su presente, cheret rispostas làdinas: o arbu o nieddu, sena isfumaduras. Pro cumprèndere su chi at a fàghere su partidu tocat de isetare su leader nou, a s’annu nou. Ma su vèrtitze de su Labour est galu in manos in manos de Momentum (su movimentu pro Corbyn, ndc) chi preferit una polìtica orientada a su sotzialismu originàriu».
Cales sunt sas prospetivas de s’indipendèntzia iscotzesa e de s’unidade irlandesa?
«S’Iscòtzia est prus de 300 annos in pare cun s’Inghilterra e su Galles, ma sos indipendentistas sunt meda e votant cumpatos a su Snp; guvernant in domo issoro, tenent prus de 120mìgia iscritos e ant pigadu paritzos iscrannos. E sunt finamentas crèschidos in su parlamentu de Londra sos chi cherent s’Irlanda unida. Una bruverera potentziale. Una cosa naro, a concruos: s’istòria punnat semper a fàghere unu giru mannu pro torrare posca a su logu suo, mancari a pustis de sèculos. A bìdere istemus».
©RIPRODUTZIONE RISERVADA
Non lasciare decidere l'algoritmo:
scegli La Nuova Sardegna per le tue notizie su Google
