Sos trinta annos de assòtziu de s’Istituto Camillo Bellieni
de Bobore Taras
Tàtari, su diretore iscentìficu Micheli Pinna contat globalizatzione e minorias «Dae sa dirruta de su Muru de Berlino a sos diritos umanos in s’Europa de oe»
2 MINUTI DI LETTURA
TÀTARI. Trinta annos a defensa de sa limba e de sa cultura sarda non sunt pagos. S’Istituto Camillo Bellieni los at lòmpidos ocannu e los at festados in Tàtari, in su mese de Santandria, umpare a sos operadores, dotzentes, allievos, giornalistas, amministradores e politicos chi in carchi manera ant collaboradu a sas fainas postas in campu dae s’assòtziu. Su primu presidente de s’Is.Be est istadu Micheli Pinna, chi oe cobèrit s’ingàrrigu de diretore iscentìficu. Dotzente, filòsofo e iscritore, at contribuidu meda a sa crèschida de s’istitutzione.
Professore, comente est nàschida s’idea?
«Totu est comintzadu in su 1989, a s’incras de sa dirruta de su Muru de Berlino. Nino Pirretta aiat cumpresu chi fiat netzessàriu de pònnere a campu un’assòtziu chi s’esserat interessadu de totu su chi pertocaiat su sardismu culturale. Sa globalizatzione fiat faghende terra brusiada de sas minorias, e tocaiat de las defensare in carchi manera».
Cale orizonte culturale si bidiat in cussos annos?
«B’aiant numeses de importu mannu. Semus arresonende de Massimo Pittau, Nicola Tanda, Ignazio Delogu, Gigi Nieddu ed Enzo Espa. Ma fiamus cunvintos, deo mescamente, chi fiat meda de importu a fàghere acurtziare sos giòvanos».
E bi sezis resèssidos?
«Potzo nàrrere chi emmo mancari non siat istadu fàtzile. Tocat de trasmìtere interessamentu ed entusiasmu. Deo b’apo postu aficu meda, ma est istadu finamentas meda su chi apo retzidu dae custos giòvanos e giòvanas».
Comente semus postos in contu de cuotas rosas?
«Trint’annos faghet sas fèminas chi si ocupaiant de limba sarda non fiant meda. In su Bellieni amus chircadu de bi pònnere amparu. Sa presidente, dae mai cantos annos est una fèmina giòvana, Maria Doloretta Lai, e no at nudda de imbidiare a unu mascru. Depo nàrrere chi in die de oe bi diat chèrrere bisòngiu de istituire sas cuotas biaitas, ca sas operadoras sunt in màssima parte fèminas».
De ite bos seis ocupados in totu custos annos?
«De limba, istòria, literadura e cultura sarda in totu sas formas. Amus ativadu su coordinamentu de sos isportellos linguìsticos in mai cantos comunes, amus fatu cursos de formatzione arta, bortadu documentos dae s’italianu a su sardu e a s’imbesse pro ufìtzios pùbricos e tribunales. Ma semus chirchende de non discuidare nemmancu sa chirca filosòfica e archivìstica».
Est possìbile a defensare s’identidade sena serrare sas ghennas a su mundu?
«Camillo Bellieni punnaiat a un’Europa de sos pòpulos. S’Is.Be dae su 2012 est diventadu membru de sa Coppieters Foundation de Bruxelles, chi si interessat de sas diversidades culturales e linguìsticas, minoràntzias, migràtziones e istùdios subra sa paghe e s’amparu de sos diritos umanos in su continente. Umpare a sa fundatzione, in custos ùrtimos annos amus fatu addòbios internatzionales de importu mannu in Tàtari, a tema de diritos e sovranidade in s’Europa de oe. Prus abertura de gasi… ».
©RIPRODUTZIONE RISERVADA
Professore, comente est nàschida s’idea?
«Totu est comintzadu in su 1989, a s’incras de sa dirruta de su Muru de Berlino. Nino Pirretta aiat cumpresu chi fiat netzessàriu de pònnere a campu un’assòtziu chi s’esserat interessadu de totu su chi pertocaiat su sardismu culturale. Sa globalizatzione fiat faghende terra brusiada de sas minorias, e tocaiat de las defensare in carchi manera».
Cale orizonte culturale si bidiat in cussos annos?
«B’aiant numeses de importu mannu. Semus arresonende de Massimo Pittau, Nicola Tanda, Ignazio Delogu, Gigi Nieddu ed Enzo Espa. Ma fiamus cunvintos, deo mescamente, chi fiat meda de importu a fàghere acurtziare sos giòvanos».
E bi sezis resèssidos?
«Potzo nàrrere chi emmo mancari non siat istadu fàtzile. Tocat de trasmìtere interessamentu ed entusiasmu. Deo b’apo postu aficu meda, ma est istadu finamentas meda su chi apo retzidu dae custos giòvanos e giòvanas».
Comente semus postos in contu de cuotas rosas?
«Trint’annos faghet sas fèminas chi si ocupaiant de limba sarda non fiant meda. In su Bellieni amus chircadu de bi pònnere amparu. Sa presidente, dae mai cantos annos est una fèmina giòvana, Maria Doloretta Lai, e no at nudda de imbidiare a unu mascru. Depo nàrrere chi in die de oe bi diat chèrrere bisòngiu de istituire sas cuotas biaitas, ca sas operadoras sunt in màssima parte fèminas».
De ite bos seis ocupados in totu custos annos?
«De limba, istòria, literadura e cultura sarda in totu sas formas. Amus ativadu su coordinamentu de sos isportellos linguìsticos in mai cantos comunes, amus fatu cursos de formatzione arta, bortadu documentos dae s’italianu a su sardu e a s’imbesse pro ufìtzios pùbricos e tribunales. Ma semus chirchende de non discuidare nemmancu sa chirca filosòfica e archivìstica».
Est possìbile a defensare s’identidade sena serrare sas ghennas a su mundu?
«Camillo Bellieni punnaiat a un’Europa de sos pòpulos. S’Is.Be dae su 2012 est diventadu membru de sa Coppieters Foundation de Bruxelles, chi si interessat de sas diversidades culturales e linguìsticas, minoràntzias, migràtziones e istùdios subra sa paghe e s’amparu de sos diritos umanos in su continente. Umpare a sa fundatzione, in custos ùrtimos annos amus fatu addòbios internatzionales de importu mannu in Tàtari, a tema de diritos e sovranidade in s’Europa de oe. Prus abertura de gasi… ».
©RIPRODUTZIONE RISERVADA
Non lasciare decidere l'algoritmo:
scegli La Nuova Sardegna per le tue notizie su Google
