La Nuova Sardegna

A pustis de sos problemas cajonados dae unas cantas vulnerabilidades, sa prataforma de vìdeo-cramadas Zoom punnat a una seguresa prus ampra. Sa chistione da sa tzifradura l’aiant bogada a campu sos giornalistas de “The Intercept”. Custa sa veridade iscobiada: sas comunicatziones non fiant amparadas dae sa critografia dae oru a oru comente naradu dae s’azienda, ma dae su protocollu Tls ebbia. Est a nàrrere chi sa seguresa interessaiat petzi s’utente e su servidore informàticu, lassende a s’azienda e a àtere sa possibilidade de ispiare. Su sistema imbeniente, dae oru a oru, tzìfrat sas arresonadas intre su mitente e su destinatàriu. (Juanna Frantzisca Orunesu)