MÙSICA
Festas e usantzias ant a torrare
Mai comente occannu piatas e carrelas de sas festas sunu adduradas a sa muda, chentza sos sonos, sos ballos e s’allegria chi semper populan biddas e tzitades de Sardigna, massimu in s’istiu. L’ischit...
4 MINUTI DI LETTURA
Mai comente occannu piatas e carrelas de sas festas sunu adduradas a sa muda, chentza sos sonos, sos ballos e s’allegria chi semper populan biddas e tzitades de Sardigna, massimu in s’istiu. L’ischit bene Emanuela Sassu, de Bonorva, chi dae su 2016 organizat manifestatziones cun s’agentzia sua, “Non solo eventi”.
Emanuela, comente azis tribagliadu occannu?
«Comente as nadu tue, occannu amos tribagliadu bell’e pagu, pius che ateru in sos meses de triulas e de austu. Manifestatziones medas sun bistadas annulladas, cun custa pandemia non si podiat faghere de atera manera. E nois amos fatu su chi amos potidu, in siguresa e poninde semper in contu sas normas contra su Covid».
Faghimos unu brincu in segus. Comente est naschida s’idea de s’agentzia?
«Su brincu in segus lu devimos faghere a su 2015 cando est naschida s’Associazione de sas ballerinas bonorvesas, de sa cale soe semper bistada sa presidente. Dae tando mi soe apassionada semper de pius a sas traditziones e a s’identidade, abizendemi de sa ricchesa manna chi custu mundu podet dare, a sos sardos e non solu. Difatis, cun s’agentzia proponimos artistas sardos ebbia, cunvintos chi meriten de essere connotos e valorizados pius de comente siat bistadu fatu in tempus passadu. Custa formula piaghet e mi paret chi siat funtzionende bene».
Fintzas fora da’ s’Italia?
«Emo, comente est sutzessu in Frantza, Ispagna, Germania, in Praga. O in Thailandia, sa ’essida pius a tesu ch’amos fatu».
E nara, comente bos retzin?
«Bene meda. Piaghet unu pagu totu, dae sos custumenes a sos ballos a sa musica. E s’ite mandigare e buffare chi resessimos a che leare. Caligunu at crefidu numeros de telefonos e mail po poder faeddare cun sos produtores. Finas custu, creo, siat importante».
In Sardigna chie azis batidu?
«Po como grupos ispagnolos e polaccos; in su 2021, si Deus cheret, isetamos unu grupu bulgaru».
Amenta ateras initziativas ch’azis mandadu a de nanti in custos annos.
«In su 2016 e in su 2017 in Bonorva amos organizadu su ballu tundu pius mannu mai fatu, bintrende in cussu chi si giamat “Guinness dei primati”. In d’un’atera occasione treghentas feminas in custumene an isfiladu po pesare una oghe contra abusos e violentzias. Po un’ateru male feu comente sa Sla, semos resessidos a ponner paris chimbighentos pitzinnos e pitzinnas».
Cun chie tribagliades?
«Pius che ateru cun priores e comitados de festas, cun aministratziones cumunales e Pro loco. Ma finas cun sos progetos Erasmus e cun sa Regione. Po nde narrere una, in custu momentu, semos impignados a organizare tres seradas finantziadas dae sa Regione cun sa legge numeru 7. Isperamos chi si feten s’annu chi enit, in beranu».
Organizades fintzas processiones religiosas, isfiladas e gai sighinde. Non creo chi in sas biddas nostras siat cosa fatzile. Est gai?
«Est gai in parte. Chirco de m’ispiegare. Su compitu nostru no est de mudare sas festas e sas usantzias, cussas est giustu ch’ adduren frimas comente si sun connotas, ma de las mezorare in’ ue si podet. In s’intragna de una ’idda, in sas traditziones suas, toccat de b’intrare a bellu a bellu, poninde passos cultzos, unu fatu ’e s’ateru; de connoschere sa zente e de l’ispiegare ite si cheret faghere e comente. In custu modu, rispetende sas traditziones e s’istoria de sa ’idda, si podet tribagliare bene e cuncordos».
A faghere una festa, una manifestazione cale si siat, non est pius comente innanti, beru?
«Difatis, in pagos annos cosas medas sun cambiadas: bi cheret unu muntone de autorizatziones e toccat de mandare a de nanti paritzas praticas burocraticas. Po sa siguresa po faghere un esempiu, como po sa pandemia. B’at de istare a ojos abeltos semper. Nois nos occupamos de totu e custu illebiat comitados e associatziones da’ impeleos e responsabilidades».
Si no isbaglio, cantas tue puru?
«Emo, in su grupu “Mutos e ballos”, ch’est in pe’ giai tres annos. Faghimos un ispetaculu de guasi tres oras, cun cantadores a ghitarra e tres coros, duos sunu de feminas».
Abbaidamos a de nanti. S’annu chi enit comente lu ’ides?
«Creo chi po sos eventos pius mannos no at a essere fatzile. Ma non toccat de si faghere leare da’ su disisperu e de sighire a tribagliare cun seriedade. Isperende chi custa situatzione finat in presse».
Emanuela, comente azis tribagliadu occannu?
«Comente as nadu tue, occannu amos tribagliadu bell’e pagu, pius che ateru in sos meses de triulas e de austu. Manifestatziones medas sun bistadas annulladas, cun custa pandemia non si podiat faghere de atera manera. E nois amos fatu su chi amos potidu, in siguresa e poninde semper in contu sas normas contra su Covid».
Faghimos unu brincu in segus. Comente est naschida s’idea de s’agentzia?
«Su brincu in segus lu devimos faghere a su 2015 cando est naschida s’Associazione de sas ballerinas bonorvesas, de sa cale soe semper bistada sa presidente. Dae tando mi soe apassionada semper de pius a sas traditziones e a s’identidade, abizendemi de sa ricchesa manna chi custu mundu podet dare, a sos sardos e non solu. Difatis, cun s’agentzia proponimos artistas sardos ebbia, cunvintos chi meriten de essere connotos e valorizados pius de comente siat bistadu fatu in tempus passadu. Custa formula piaghet e mi paret chi siat funtzionende bene».
Fintzas fora da’ s’Italia?
«Emo, comente est sutzessu in Frantza, Ispagna, Germania, in Praga. O in Thailandia, sa ’essida pius a tesu ch’amos fatu».
E nara, comente bos retzin?
«Bene meda. Piaghet unu pagu totu, dae sos custumenes a sos ballos a sa musica. E s’ite mandigare e buffare chi resessimos a che leare. Caligunu at crefidu numeros de telefonos e mail po poder faeddare cun sos produtores. Finas custu, creo, siat importante».
In Sardigna chie azis batidu?
«Po como grupos ispagnolos e polaccos; in su 2021, si Deus cheret, isetamos unu grupu bulgaru».
Amenta ateras initziativas ch’azis mandadu a de nanti in custos annos.
«In su 2016 e in su 2017 in Bonorva amos organizadu su ballu tundu pius mannu mai fatu, bintrende in cussu chi si giamat “Guinness dei primati”. In d’un’atera occasione treghentas feminas in custumene an isfiladu po pesare una oghe contra abusos e violentzias. Po un’ateru male feu comente sa Sla, semos resessidos a ponner paris chimbighentos pitzinnos e pitzinnas».
Cun chie tribagliades?
«Pius che ateru cun priores e comitados de festas, cun aministratziones cumunales e Pro loco. Ma finas cun sos progetos Erasmus e cun sa Regione. Po nde narrere una, in custu momentu, semos impignados a organizare tres seradas finantziadas dae sa Regione cun sa legge numeru 7. Isperamos chi si feten s’annu chi enit, in beranu».
Organizades fintzas processiones religiosas, isfiladas e gai sighinde. Non creo chi in sas biddas nostras siat cosa fatzile. Est gai?
«Est gai in parte. Chirco de m’ispiegare. Su compitu nostru no est de mudare sas festas e sas usantzias, cussas est giustu ch’ adduren frimas comente si sun connotas, ma de las mezorare in’ ue si podet. In s’intragna de una ’idda, in sas traditziones suas, toccat de b’intrare a bellu a bellu, poninde passos cultzos, unu fatu ’e s’ateru; de connoschere sa zente e de l’ispiegare ite si cheret faghere e comente. In custu modu, rispetende sas traditziones e s’istoria de sa ’idda, si podet tribagliare bene e cuncordos».
A faghere una festa, una manifestazione cale si siat, non est pius comente innanti, beru?
«Difatis, in pagos annos cosas medas sun cambiadas: bi cheret unu muntone de autorizatziones e toccat de mandare a de nanti paritzas praticas burocraticas. Po sa siguresa po faghere un esempiu, como po sa pandemia. B’at de istare a ojos abeltos semper. Nois nos occupamos de totu e custu illebiat comitados e associatziones da’ impeleos e responsabilidades».
Si no isbaglio, cantas tue puru?
«Emo, in su grupu “Mutos e ballos”, ch’est in pe’ giai tres annos. Faghimos un ispetaculu de guasi tres oras, cun cantadores a ghitarra e tres coros, duos sunu de feminas».
Abbaidamos a de nanti. S’annu chi enit comente lu ’ides?
«Creo chi po sos eventos pius mannos no at a essere fatzile. Ma non toccat de si faghere leare da’ su disisperu e de sighire a tribagliare cun seriedade. Isperende chi custa situatzione finat in presse».
Non lasciare decidere l'algoritmo:
scegli La Nuova Sardegna per le tue notizie su Google
