TRABALLOS
Sa passèntzia de sos cartulàrios
Piero Coradduzza, 52 annos, cojuadu e cun una fìgia. Roberto Manca, 40 annos, cojuadu e cun unu fìgiu. Tataresos chi giughent a dae in antis sa cartoleria issoro cun aficu, pelea, passèntzia e istima...
18 aprile 2021
3 MINUTI DI LETTURA
Piero Coradduzza, 52 annos, cojuadu e cun una fìgia. Roberto Manca, 40 annos, cojuadu e cun unu fìgiu. Tataresos chi giughent a dae in antis sa cartoleria issoro cun aficu, pelea, passèntzia e istima manna pro custu traballu.
Piero, su cartolaju, dae pitzocu lu faghes?
«Dae pitzocu apo istudiadu comente eletrotècnicu. A inghìriu de sos 22 annos so intradu in una cartoleria manna de Tàtari a imparare. Pro 7 annos m’ant leadu a manera periòdica e deo apo àpidu s’oportunidade de bìdere comente si traballaiat, faghende esperièntzia in sa cantzilleria e in sa cartoleria».
E sa cartoleria PR comente est nàschida?
«Acabados sos annos de imparu apo sighidu a traballare in su ramu de sa cartoleria paris cun connadu meu. Pagu prus o mancu in su 2001 fiat intradu a traballare finas Roberto e petzi cun isse apo sighidu s’atividade. A manera ufitziale, in su 2012, naschet sa cartoleria PR».
Piero e Roberto, chie sunt?
«Semus amigos, compares e collegas de traballu. Essende sòtzios, su de andare de acordu est importante meda. Unu cussìgiat a s’àteru e nos cumprendimus finas in mudesa. Cada die semper cun rispetu mannu e cuntentesa pro su mestieri nostru».
Roberto, comente bi ses lòmpidu a traballare cun Piero?
«A pustis de àere istudiadu ragioneria e de àere fatu carchi àteru traballu, a sos 21 annos, apo cumentzadu a traballare cun Piero. Deo so finas amantiosu meda de sos programmas de su computer».
Piero, su traballu de sa cartoleria, cale est?
«De oe in die, mi preguntas?».
Como semus incuriosidos. Cartoleria de eris e de oe, cale diferèntzia b’at?
«In antis si faghiant mescamente fotocòpias, còpias eliogràficas, si bendiant artìculos de cantzilleria e sos machinàrios pro traballare fiant prus istentosos de comente sunt oe in die».
A s’ora, cun s’evolutzione tecnològica, it’est sutzessu?
«Cun s’eletrònica, sa bènnida de su computer e duncas cun su tempus digitale, amus rugradu mudas pro imprentare: dae su discu floppy a su cd e in fines a sa craita usb. Sas tintas fiant lìcuidas e como sunt a prùere. Sos machinàrios Ploter, pro imprentas de progetos de domos, como sunt prus mannos e prus lestros meda».
Custas mudas, cales cunsighèntzias ant batidu?
«Cussas de nos pònnere a die semper e de istudiare su funtzionamentu de sos istrumentos de traballu in totu sas mudas ch’ant àpidu. Ca su cliente s’isetat unu servìtziu chi nois chircamus de dare semper a manera pretzisa».
Roberto, in su traballu bostru, it’est importante?
«Sa passèntzia, sa bògia de fàghere e s’entusiasmu de nos relatare cun sos clientes».
Mescamente sos clientes ite pedint?
«Lestresa e cumpetèntzia. Nois, pro custu, chircamus semper de connòschere bene s’atividade finas pro pòdere torrare respostas a sos chi pedint carchi cussìgiu».
Piero, pro su chi pertocat sa roba chi bendides, finas sas festividades sighides?
«Eja! Chircamus de istare a curtzu a sos clientes cun produtos ch’acuntentent sa majoria de sos bisòngios in sa chirca de cosas diversas. A Nadale ponimus su presèpiu in butega e bendimus ogetos chi l’ammentent. Gosi faghimus pro sas àteras festas. Est una manera pro àere una diversidade de artìculos de propònnere a sa gente».
Custa atividade, ligada est cun sas istajones?
«Meda! Traballamus mescamente dae s’atòngiu a s’ierru. In s’istiu sas iscolas e finas carchi ufìtziu serrant e tando su traballu mìnimat».
A cara de sas modas e de sos preferos chi ghiant sos giòvanos, bois ite faghides?
«Cada annu b’at unu mudòngiu de artìculos. Sas novidades chi nd’essint a campu las deves semper ischire. Dae sas sèries tv, chi pitzocas e pitzocos abbàidant, a sos materiales pro s’iscola. Sas cosas si cumandant s’annu in antis pro s’annu chi benit. Non ti podes permìtere de no ischire it’est capitende in su mundu de sos giòvanos».
Dae sa butega a su tzentru commertziale, s’empatia cantu est diversa?
«In una b’est e in s’àteru nono! In sa butega minore sos clientes podent arresonare cun nois e intre issos. A manera pàsida sèberant sos artìculos e nos podent pedire unu parre pro su chi còmporant. Su de ischire fàghere, sa passèntzia e unu risu de acollida, sunt de fundamentu pro chi su cliente torret a nos agatare».
Piero, su cartolaju, dae pitzocu lu faghes?
«Dae pitzocu apo istudiadu comente eletrotècnicu. A inghìriu de sos 22 annos so intradu in una cartoleria manna de Tàtari a imparare. Pro 7 annos m’ant leadu a manera periòdica e deo apo àpidu s’oportunidade de bìdere comente si traballaiat, faghende esperièntzia in sa cantzilleria e in sa cartoleria».
E sa cartoleria PR comente est nàschida?
«Acabados sos annos de imparu apo sighidu a traballare in su ramu de sa cartoleria paris cun connadu meu. Pagu prus o mancu in su 2001 fiat intradu a traballare finas Roberto e petzi cun isse apo sighidu s’atividade. A manera ufitziale, in su 2012, naschet sa cartoleria PR».
Piero e Roberto, chie sunt?
«Semus amigos, compares e collegas de traballu. Essende sòtzios, su de andare de acordu est importante meda. Unu cussìgiat a s’àteru e nos cumprendimus finas in mudesa. Cada die semper cun rispetu mannu e cuntentesa pro su mestieri nostru».
Roberto, comente bi ses lòmpidu a traballare cun Piero?
«A pustis de àere istudiadu ragioneria e de àere fatu carchi àteru traballu, a sos 21 annos, apo cumentzadu a traballare cun Piero. Deo so finas amantiosu meda de sos programmas de su computer».
Piero, su traballu de sa cartoleria, cale est?
«De oe in die, mi preguntas?».
Como semus incuriosidos. Cartoleria de eris e de oe, cale diferèntzia b’at?
«In antis si faghiant mescamente fotocòpias, còpias eliogràficas, si bendiant artìculos de cantzilleria e sos machinàrios pro traballare fiant prus istentosos de comente sunt oe in die».
A s’ora, cun s’evolutzione tecnològica, it’est sutzessu?
«Cun s’eletrònica, sa bènnida de su computer e duncas cun su tempus digitale, amus rugradu mudas pro imprentare: dae su discu floppy a su cd e in fines a sa craita usb. Sas tintas fiant lìcuidas e como sunt a prùere. Sos machinàrios Ploter, pro imprentas de progetos de domos, como sunt prus mannos e prus lestros meda».
Custas mudas, cales cunsighèntzias ant batidu?
«Cussas de nos pònnere a die semper e de istudiare su funtzionamentu de sos istrumentos de traballu in totu sas mudas ch’ant àpidu. Ca su cliente s’isetat unu servìtziu chi nois chircamus de dare semper a manera pretzisa».
Roberto, in su traballu bostru, it’est importante?
«Sa passèntzia, sa bògia de fàghere e s’entusiasmu de nos relatare cun sos clientes».
Mescamente sos clientes ite pedint?
«Lestresa e cumpetèntzia. Nois, pro custu, chircamus semper de connòschere bene s’atividade finas pro pòdere torrare respostas a sos chi pedint carchi cussìgiu».
Piero, pro su chi pertocat sa roba chi bendides, finas sas festividades sighides?
«Eja! Chircamus de istare a curtzu a sos clientes cun produtos ch’acuntentent sa majoria de sos bisòngios in sa chirca de cosas diversas. A Nadale ponimus su presèpiu in butega e bendimus ogetos chi l’ammentent. Gosi faghimus pro sas àteras festas. Est una manera pro àere una diversidade de artìculos de propònnere a sa gente».
Custa atividade, ligada est cun sas istajones?
«Meda! Traballamus mescamente dae s’atòngiu a s’ierru. In s’istiu sas iscolas e finas carchi ufìtziu serrant e tando su traballu mìnimat».
A cara de sas modas e de sos preferos chi ghiant sos giòvanos, bois ite faghides?
«Cada annu b’at unu mudòngiu de artìculos. Sas novidades chi nd’essint a campu las deves semper ischire. Dae sas sèries tv, chi pitzocas e pitzocos abbàidant, a sos materiales pro s’iscola. Sas cosas si cumandant s’annu in antis pro s’annu chi benit. Non ti podes permìtere de no ischire it’est capitende in su mundu de sos giòvanos».
Dae sa butega a su tzentru commertziale, s’empatia cantu est diversa?
«In una b’est e in s’àteru nono! In sa butega minore sos clientes podent arresonare cun nois e intre issos. A manera pàsida sèberant sos artìculos e nos podent pedire unu parre pro su chi còmporant. Su de ischire fàghere, sa passèntzia e unu risu de acollida, sunt de fundamentu pro chi su cliente torret a nos agatare».
