TRABALLOS
TomaMate, bellesa de s’artisania
Chiara Pons, 42 annos, tataresa, una fìgia. Cun TomaMate, sa butega sua de bigioteria e non solu, aberta in Tàtari in su mese de martzu de ocannu, issa est acumprende unu bisu de creatividade.Chiara,...
3 MINUTI DI LETTURA
Chiara Pons, 42 annos, tataresa, una fìgia. Cun TomaMate, sa butega sua de bigioteria e non solu, aberta in Tàtari in su mese de martzu de ocannu, issa est acumprende unu bisu de creatividade.
Chiara, s’istima pro sos produtos particulares e s’artisania, dae ite t’est nàschida?
«Penso dae mama mea ca, unos cantos annos a oe, in custu locale, issa bendiat artìculos orientales. In Tàtari forsis non si nd’agataiat àteras butegas che pare. Dae pitzoca, deo, apo istudiadu finas a mi leare sa làurea in giurisprudèntzia. Apo istudiadu in Ispagna. Pensaia de fàghere s’avocadu, ma semper istimende su marketing. Ma, a bias, sos caminos de sa vida detzidint pro tene».
A su puntu chi in su 2013 totu mudat, pro ite?
«Ca in s’istiu de su 2013 apo adobiadu a un’artisanu de bijoux. In cussu momentu ambos traballaiamus comente bendidores itinerantes. Amantiosa de su cummèrtziu, fia bendidora de bestimenta. S’istima nostra est nàschida dereta dae sa prima ograda. Gosi apo iscobertu chi su caminu meu aiat agatadu sa bellesa de s’artisania».
A traballare paris ais cumentzadu?
«Amus cumentzadu a produire artìculos de pedde: taschinos, busseddos, bratzales e gosi sighende. Bendiamus in sas festas mannas e in sas fieras. Cando est acudida sa pandemia su traballu s’est firmadu, ma s’est allumada s’idea e sa bògia de abèrrere, in su mese de martzu de ocannu, custa atividade».
Cales sunt sos artìculos chi bendes e cales materiales impreas?
«Bendo bratzales, apicàllios, aneddos, ispillas, phone beads. Impreo metallos chi non dant allergias. Trato su metallu nou zama, ch’est s’allumìniu aunidu a su gincu. Fatzo artìculos cun sa linna e impito s’ecopedde. Inoghe traballamus finas a segus de rechestas».
B’at una boghe chi tue pesas dae custa butega, cale est?
«Fraigade s’istile bostru!».
E duncas, a sa gente, ite propones?
«Sa gente inoghe agatat: sos elementos pro si cumpònnere su produtu, su produtu acabadu o finas su produtu mesanu chi podet èssere mudadu sighende fantasia e disìgios».
Sas bases pro cumpònnere su produtu sunt sas minudàgias?
«Eja. Sunt totu cussos elementos minores chi serbint a cumpònnere sa bigioteria. B’apo pernos, chircheddos abertos o serrados ch’aunint sos elementos de unu bratzale, de una collana, de sas arracadas. Bendo pedras tostas naturales e nono. B’at totu su chi si podet impitare pro chi su cliente si fràighet su bijou cun sas manos suas».
Sos clientes tuos mescamente chie sunt?
«Bendo meda a sa grussa, pro sos chi tenent àteras atividades de bigioteria. Disìgio de dare cuntentu a categorias diversas. A sas clientes de 40-50 annos lis agradat su produtu mesanu chi si potzat mudare. A sas prus mannas lis agradat su bijou cumpridu. Sos giòvanos chircant sas minudàgias pro produire a imbentu issoro».
Cale est s’ùrtimu artìculu tuo, prus a sa moda?
«Phone beads! Sunt collaneddas longhitas o curtzas chi si ligant a su telefoneddu. Sunt coloradas meda e tenent apicàllios de cada forma. Sos giòvanos, a su presente, nde sunt amasiados meda».
Tue cada die faghes partetzipare sos clientes a sa creatividade de TomaMate?
«Emmo. Cada chida, in facebook e in instagram, fatzo unu calendàriu de presentadas de sos produtos, de sas minudàgias e de su chi si podet fàghere cun custas. Su lunis issèbero unu tema pro tota sa chida. Una borta a sa chida ammànio su Reel, unu vìdeo de mene chi traballo cumponende sos bijoux».
In sa butega tua finas àteros artisanos as acollidu?
«Tzertu ca bi tèngio a sos produtos de sa Sardigna e a sos talentos chi amus. B’apo bator artisanos chi mescamente traballant cun sa linna».
De custu traballu ite t’agradat de prus?
«Sa relatas cun sa gente chi inoghe podet intrare, mirare e allegare. Custa est, a su matessi tempus, un’atividade itinerante. In su mundu de sos mercados, finas si bides sos àteros bendidores una borta a s’annu, sa lughe de s’amistade non s’istudat mai».
A cara de sas modas chi trìsinant pro su prus sos giòvanos, cale pensu intregas a totus?
«A totus naro chi sa vida est unu giogu ispantosu in ue ognunu devet espressare su sentidu creativu pròpriu, sena èssere tropu iscraos de sas omologatziones, sena àere timòrias nen làcanas».
Chiara, s’istima pro sos produtos particulares e s’artisania, dae ite t’est nàschida?
«Penso dae mama mea ca, unos cantos annos a oe, in custu locale, issa bendiat artìculos orientales. In Tàtari forsis non si nd’agataiat àteras butegas che pare. Dae pitzoca, deo, apo istudiadu finas a mi leare sa làurea in giurisprudèntzia. Apo istudiadu in Ispagna. Pensaia de fàghere s’avocadu, ma semper istimende su marketing. Ma, a bias, sos caminos de sa vida detzidint pro tene».
A su puntu chi in su 2013 totu mudat, pro ite?
«Ca in s’istiu de su 2013 apo adobiadu a un’artisanu de bijoux. In cussu momentu ambos traballaiamus comente bendidores itinerantes. Amantiosa de su cummèrtziu, fia bendidora de bestimenta. S’istima nostra est nàschida dereta dae sa prima ograda. Gosi apo iscobertu chi su caminu meu aiat agatadu sa bellesa de s’artisania».
A traballare paris ais cumentzadu?
«Amus cumentzadu a produire artìculos de pedde: taschinos, busseddos, bratzales e gosi sighende. Bendiamus in sas festas mannas e in sas fieras. Cando est acudida sa pandemia su traballu s’est firmadu, ma s’est allumada s’idea e sa bògia de abèrrere, in su mese de martzu de ocannu, custa atividade».
Cales sunt sos artìculos chi bendes e cales materiales impreas?
«Bendo bratzales, apicàllios, aneddos, ispillas, phone beads. Impreo metallos chi non dant allergias. Trato su metallu nou zama, ch’est s’allumìniu aunidu a su gincu. Fatzo artìculos cun sa linna e impito s’ecopedde. Inoghe traballamus finas a segus de rechestas».
B’at una boghe chi tue pesas dae custa butega, cale est?
«Fraigade s’istile bostru!».
E duncas, a sa gente, ite propones?
«Sa gente inoghe agatat: sos elementos pro si cumpònnere su produtu, su produtu acabadu o finas su produtu mesanu chi podet èssere mudadu sighende fantasia e disìgios».
Sas bases pro cumpònnere su produtu sunt sas minudàgias?
«Eja. Sunt totu cussos elementos minores chi serbint a cumpònnere sa bigioteria. B’apo pernos, chircheddos abertos o serrados ch’aunint sos elementos de unu bratzale, de una collana, de sas arracadas. Bendo pedras tostas naturales e nono. B’at totu su chi si podet impitare pro chi su cliente si fràighet su bijou cun sas manos suas».
Sos clientes tuos mescamente chie sunt?
«Bendo meda a sa grussa, pro sos chi tenent àteras atividades de bigioteria. Disìgio de dare cuntentu a categorias diversas. A sas clientes de 40-50 annos lis agradat su produtu mesanu chi si potzat mudare. A sas prus mannas lis agradat su bijou cumpridu. Sos giòvanos chircant sas minudàgias pro produire a imbentu issoro».
Cale est s’ùrtimu artìculu tuo, prus a sa moda?
«Phone beads! Sunt collaneddas longhitas o curtzas chi si ligant a su telefoneddu. Sunt coloradas meda e tenent apicàllios de cada forma. Sos giòvanos, a su presente, nde sunt amasiados meda».
Tue cada die faghes partetzipare sos clientes a sa creatividade de TomaMate?
«Emmo. Cada chida, in facebook e in instagram, fatzo unu calendàriu de presentadas de sos produtos, de sas minudàgias e de su chi si podet fàghere cun custas. Su lunis issèbero unu tema pro tota sa chida. Una borta a sa chida ammànio su Reel, unu vìdeo de mene chi traballo cumponende sos bijoux».
In sa butega tua finas àteros artisanos as acollidu?
«Tzertu ca bi tèngio a sos produtos de sa Sardigna e a sos talentos chi amus. B’apo bator artisanos chi mescamente traballant cun sa linna».
De custu traballu ite t’agradat de prus?
«Sa relatas cun sa gente chi inoghe podet intrare, mirare e allegare. Custa est, a su matessi tempus, un’atividade itinerante. In su mundu de sos mercados, finas si bides sos àteros bendidores una borta a s’annu, sa lughe de s’amistade non s’istudat mai».
A cara de sas modas chi trìsinant pro su prus sos giòvanos, cale pensu intregas a totus?
«A totus naro chi sa vida est unu giogu ispantosu in ue ognunu devet espressare su sentidu creativu pròpriu, sena èssere tropu iscraos de sas omologatziones, sena àere timòrias nen làcanas».
Non lasciare decidere l'algoritmo:
scegli La Nuova Sardegna per le tue notizie su Google
