TRABALLOS
Piloxing, s’armonia de su corpus
Maria Franca Pintus, 37 annos, tataresa, istrutora de Fitness. Dae minoredda intregat sa vida sua a s’armonia de su corpus in movimentu. Maria Franca, a cantos annos as connotu su mundu de su fitness?...
3 MINUTI DI LETTURA
Maria Franca Pintus, 37 annos, tataresa, istrutora de Fitness. Dae minoredda intregat sa vida sua a s’armonia de su corpus in movimentu.
Maria Franca, a cantos annos as connotu su mundu de su fitness?
«A 4 annos faghia ginnàstica rìtmica e artìstica. Posca apo cumentzadu a frecuentare unas cantas palestras fitness de Tàtari faghende totu sas variedades de dissiplinas, cumpresa sa sala de sos atretzos. In s’ìnterim, pro una deghina de annos, m’ammustraia comente atleta in sos ispetàculos de su Endas Performance».
A pustis b’est istadu s’adòbiu cun sa dansa…
«Eja. In su 2002 apo abratzadu sa dansa clàssica, moderna, contemporànea, hip hop, break dance. Cun una cumpangia de ballu amus tentu ispetàculos peri sa Sardigna. Apo semper balladu e istudiadu in sos cursos de formatzione. Ca mi l’intendia in sas benas chi su mundu de sa dansa e de su fitness fiant s’isteddu chi mi tocaiat de sighire in sa vida. Ma lu cheria sighire afortiada de connoschèntzias teòricas e pràticas. In su 2004 so divènnida balladora professionista».
…e cun passu lestru, istrutora?
«Dae su 2005 comente maistra de hip hop. Ma, como chi mi l’ammento, in antis bi fiat istadu un’eventu in sa vida mea, a sos tempos de s’iscola».
Si t’agradat, conta·nos·lu...
«Cando istudiaia in su litzeu iscientìficu, aia collidu su cùmbidu de su professore meu de educatzione fìsica. Isse aiat preguntadu a sa classe si una de nois fèminas podiat imparare, in prus de sas oras de letzione, un’ora de aeròbica e step a sa classe. Deo, bidu chi nde fia amantiosa de sa dissiplinas fitness, mi fia proposta! Aia ammaniadu sa coreografia, sas mùsicas bene sestadas e sos esertzìtzios. In fines aia ordingiadu su sàgiu. Cun custa esperièntzia apo connotu mègius sa capatzidades meas a divènnere istrutora».
Difatis as leadu su caminu de sa ginnàstica mirada a su saludu e a su fitness. A manera ispetzìfica tue ses istrutora de dissiplinas diversas, beru?
«Tzertu. S’istima pro custu traballu mi batit a istudiare semper. Dae su 2012 so istrutora de: Fitness musicale, Zumba Zin in totu sas variedades, Acqua fitness, Pound, Ree Jam e àteros. Finas apo istudiadu anatomia e alimentatzione. So esecutora de Blsd, Basic life support defibrillation, ch’est netzessàriu cando traballas cun sas pessones ca nd’as sa responsabilidade e tue deves ischire intervènnere si calicunu no istat bene».
Cando as iscobertu su Piloxing?
«Pro custu traballu est importante leare parte a sas fieras de Fitness chi cada annu bi sunt in Italia e in foras. Dae su 2013 ando a sa fiera Fitness Rimini Wellness, in ue acudint realidades Fitness dae totu su mundu. In su 2014, pròpiu in cue, apo connotu su Piloxing. M’at ispantadu. S’annu matessi so divènnida istrutora de Piloxing Ssp, Barre, Knockout, Booty».
A nos nde allegas?
«Eja. Su Piloxing aunit, intreverende·los, sa fortza de sa Boxe, s’echilìbriu e sa resistèntzia de su Pilates e sa gràtzia de sa dansa, in intro de un’allenamentu a tretu. Colende dae s’atividade carca a sa lèbia, s’allenant, sena pelea, sos mùsculos e su sistema cardiovascolare. Si faghet a pees iscurtzos, cun corpus lieru, sena atretzos, francu s’impreu de guanteddas ispetzìficas chi tenent pesitos».
Piloxing Ssp e fèminas. A nos lu contas su messàgiu chi b’at?
«Ssp diat èssere Sleek, Sexy e Powerful. Sa mira de custa dissiplina est de agiudare sas fèminas, mentres si sunt allenende, a segudare una figura de issas matessi elegante, incantadora e poderosa. Iscobèrrere duncas una bellesa noa chi l’apartenit».
De su traballu tuo, mescamente, ite t’agradat?
«Su de connòschere gente, ca in prus de sas letziones fatzo ispetàculos, eventos, aberturas de eventos, stages e duncas nde adòbio meda. Potzo nàrrere chi b’at unu sentidu de amistade e de istima pro su fitness. Comùnico cun àteras realidades diversas dae sa mea e gosi s’imparat e si creschet. Cando tèngio sas letziones meas, su de dare carchi ghia a sos àteros, pro su chi pertocat sa mente e su corpus, su de agiudare a connòschere sa potèntzia e s’entusiasmu chi brujant in s’ànima de ognunu, mi prenat a beru su coro de cuntentesa».
Maria Franca, a cantos annos as connotu su mundu de su fitness?
«A 4 annos faghia ginnàstica rìtmica e artìstica. Posca apo cumentzadu a frecuentare unas cantas palestras fitness de Tàtari faghende totu sas variedades de dissiplinas, cumpresa sa sala de sos atretzos. In s’ìnterim, pro una deghina de annos, m’ammustraia comente atleta in sos ispetàculos de su Endas Performance».
A pustis b’est istadu s’adòbiu cun sa dansa…
«Eja. In su 2002 apo abratzadu sa dansa clàssica, moderna, contemporànea, hip hop, break dance. Cun una cumpangia de ballu amus tentu ispetàculos peri sa Sardigna. Apo semper balladu e istudiadu in sos cursos de formatzione. Ca mi l’intendia in sas benas chi su mundu de sa dansa e de su fitness fiant s’isteddu chi mi tocaiat de sighire in sa vida. Ma lu cheria sighire afortiada de connoschèntzias teòricas e pràticas. In su 2004 so divènnida balladora professionista».
…e cun passu lestru, istrutora?
«Dae su 2005 comente maistra de hip hop. Ma, como chi mi l’ammento, in antis bi fiat istadu un’eventu in sa vida mea, a sos tempos de s’iscola».
Si t’agradat, conta·nos·lu...
«Cando istudiaia in su litzeu iscientìficu, aia collidu su cùmbidu de su professore meu de educatzione fìsica. Isse aiat preguntadu a sa classe si una de nois fèminas podiat imparare, in prus de sas oras de letzione, un’ora de aeròbica e step a sa classe. Deo, bidu chi nde fia amantiosa de sa dissiplinas fitness, mi fia proposta! Aia ammaniadu sa coreografia, sas mùsicas bene sestadas e sos esertzìtzios. In fines aia ordingiadu su sàgiu. Cun custa esperièntzia apo connotu mègius sa capatzidades meas a divènnere istrutora».
Difatis as leadu su caminu de sa ginnàstica mirada a su saludu e a su fitness. A manera ispetzìfica tue ses istrutora de dissiplinas diversas, beru?
«Tzertu. S’istima pro custu traballu mi batit a istudiare semper. Dae su 2012 so istrutora de: Fitness musicale, Zumba Zin in totu sas variedades, Acqua fitness, Pound, Ree Jam e àteros. Finas apo istudiadu anatomia e alimentatzione. So esecutora de Blsd, Basic life support defibrillation, ch’est netzessàriu cando traballas cun sas pessones ca nd’as sa responsabilidade e tue deves ischire intervènnere si calicunu no istat bene».
Cando as iscobertu su Piloxing?
«Pro custu traballu est importante leare parte a sas fieras de Fitness chi cada annu bi sunt in Italia e in foras. Dae su 2013 ando a sa fiera Fitness Rimini Wellness, in ue acudint realidades Fitness dae totu su mundu. In su 2014, pròpiu in cue, apo connotu su Piloxing. M’at ispantadu. S’annu matessi so divènnida istrutora de Piloxing Ssp, Barre, Knockout, Booty».
A nos nde allegas?
«Eja. Su Piloxing aunit, intreverende·los, sa fortza de sa Boxe, s’echilìbriu e sa resistèntzia de su Pilates e sa gràtzia de sa dansa, in intro de un’allenamentu a tretu. Colende dae s’atividade carca a sa lèbia, s’allenant, sena pelea, sos mùsculos e su sistema cardiovascolare. Si faghet a pees iscurtzos, cun corpus lieru, sena atretzos, francu s’impreu de guanteddas ispetzìficas chi tenent pesitos».
Piloxing Ssp e fèminas. A nos lu contas su messàgiu chi b’at?
«Ssp diat èssere Sleek, Sexy e Powerful. Sa mira de custa dissiplina est de agiudare sas fèminas, mentres si sunt allenende, a segudare una figura de issas matessi elegante, incantadora e poderosa. Iscobèrrere duncas una bellesa noa chi l’apartenit».
De su traballu tuo, mescamente, ite t’agradat?
«Su de connòschere gente, ca in prus de sas letziones fatzo ispetàculos, eventos, aberturas de eventos, stages e duncas nde adòbio meda. Potzo nàrrere chi b’at unu sentidu de amistade e de istima pro su fitness. Comùnico cun àteras realidades diversas dae sa mea e gosi s’imparat e si creschet. Cando tèngio sas letziones meas, su de dare carchi ghia a sos àteros, pro su chi pertocat sa mente e su corpus, su de agiudare a connòschere sa potèntzia e s’entusiasmu chi brujant in s’ànima de ognunu, mi prenat a beru su coro de cuntentesa».
Non lasciare decidere l'algoritmo:
scegli La Nuova Sardegna per le tue notizie su Google
