TRABALLOS
Solidariedade, sa missione nostra
Domenico Cristaldi 42 annos, tataresu laureadu in iscièntzia de sa Comunicatzione. Impinnadu dae semper in su cuntestu sotziale, est mere de s’assòtziu Zoe.Domenico, comente bi ses lòmpidu a su chi...
21 novembre 2021
3 MINUTI DI LETTURA
Domenico Cristaldi 42 annos, tataresu laureadu in iscièntzia de sa Comunicatzione. Impinnadu dae semper in su cuntestu sotziale, est mere de s’assòtziu Zoe.
Domenico, comente bi ses lòmpidu a su chi si mutit “terzo settore”?
«Pro m’agiudare in s’universidade apo semper traballadu e faghia finas s’animadore pro pitzinnos. Apo connotu sas atividades e sos giogos chi si podiant fàghere cun issos. In s’ìnteri istudiaia pro s’assistèntzia a sas pessones cun handicap. Posca, gràtzias a unu progetu meu a tema sotziale, so istadu isseberadu pro partetzipare a unu cursu in Biella. A sos chi cumpriant custu cursu li beniat atribuidu su tìtulu de operadore in s’àmbitu de su project management».
Comente progetista as cumentzadu a traballare?
«Eja, pro 2 annos in un’ente de formatzione comente maistru de informatica e formadore. In cussu perìodu sighia a assistire unu giòvanu disàbile, agiudende·lu in su limbàgiu e in sa fonètica. A pustis so intradu a traballare in una cooperativa ue fia coordinadore de progetos, de educadores e de personale Oss».
In su 2018 naschet s’assòtziu Zoe. Cun cale mira?
«Deo e carchi amigu meu disigiaiamus de agiudare sa gente a agatare resones de ditzas in sa vida de cada die. Dae chie partètzipat a sos cursos nostros chircamus de nde bogare a campu sas capatzidades cuadas in s’ànima. Sa missione nostra est sa solidariedade. Ognunu tenet unu o prus talentos chi, a bias, no agatant tempus e logu pro s’espressare. Pro custu amus pensadu de ofèrrere servìtzios diversos a pitzinnos e mannos».
S’assòtziu a chie est abertu?
«A totus. Dae sos pitzinnos a sos betzos. Ponimus aficu a s’incuru de sos disìgios de una famìlia intrea».
Duncas, a cales servìtzios ais pensadu?
«Incurende sa creatividade, su pensu e sa manualidade ordingiamus cursos diversos. Cursos de chiterra e de ukulele chi su maistru Giovanni Cherchi faghet cun aficu mannu. B’amus finas cursos de disinnu, de amigurumi e de robòtica. Imparamus finas a impreare sos telefoneddos a sos antzianos. Annanghimus semper servìtzios noos. Pro esempru sas atividades chi si podent fàghere in foras de su locale de s’assòtziu».
Cales diant èssere custas atividades?
«Su campègiu pro pitzinnos. L’ordingiamus in s’istiu. Sunt bator dies e tres nottes ch’issos nche colant sena telefoneddu. No istamus , faghimus animazione, andamus a su mare e a sa piscina».
Su progetu de Robòtica Lego, it’est?
«Si moet dae su giogu Lego, a sa manera traditzionale, aunende sos cantos de matonitos de plàstica e fraighende unu gioghitu. A custu, pro mèdiu de sa Robòtica s’aunit una unidade tzentrale chi allegat, a manera eletrònica, cun su tablet. Gosi naschet su movimentu de su gioghitu matessi. In presse amus a giùghere su progetu a Tissi pro fàghere unu cursu a unos cantos pitzinnos de cussa bidda. Mi so abigiadu chi a sos pitzinnos lis agradat meda».
In unu traballu che a su tuo, ite serbit?
«Istima pro sas pessones e sa realidade. In s’istima b’agatas totu: su de acollire, de iscurtare, de currègere, sa misericòrdia e sa paghe. In una relata, de traballu o de istima, iscurtare trasmitit unu messàgiu craru: a tie so donende un’iscuta de su tempus meu, ch’est intregadu petzi a tie. Àtera cosa importante est su de fàghere. A pustis de l’àere promissa, s’istima, tocat de l’iscumproare a manera cuncreta cun atziones, initziativas e impinnos verdaderos. Cando deo iscurto a s’àteru so giai faghende un’atzione bera».
In una sotziedade semper in lestresa, ite pensas chi potzat èssere importante?
«Su pensamentu meu est chi, tocat de cumprèndere su chi disigiamus e su chi nos serbit. Òmines e fèminas diant dèvere bìdere su traballu comente un’istrumentu chi permitit de bìvere chirchende de no èssere iscraos de ritmos isfiadosos. Cussos ritmos impèigant de fàghere àteras cosas netzessàrias a otènnere ditza. Serrados in una gàbbia de traballu, faghende cussu ebbia, s’arriscat de sutràere tempus a sas istimas, a s’amistade e a su saludu. Sa mira fitiana devet èssere s’echilìbriu de sos impinnos de cada die pro pòdere bìvere in cuntentesa».
Domenico, comente bi ses lòmpidu a su chi si mutit “terzo settore”?
«Pro m’agiudare in s’universidade apo semper traballadu e faghia finas s’animadore pro pitzinnos. Apo connotu sas atividades e sos giogos chi si podiant fàghere cun issos. In s’ìnteri istudiaia pro s’assistèntzia a sas pessones cun handicap. Posca, gràtzias a unu progetu meu a tema sotziale, so istadu isseberadu pro partetzipare a unu cursu in Biella. A sos chi cumpriant custu cursu li beniat atribuidu su tìtulu de operadore in s’àmbitu de su project management».
Comente progetista as cumentzadu a traballare?
«Eja, pro 2 annos in un’ente de formatzione comente maistru de informatica e formadore. In cussu perìodu sighia a assistire unu giòvanu disàbile, agiudende·lu in su limbàgiu e in sa fonètica. A pustis so intradu a traballare in una cooperativa ue fia coordinadore de progetos, de educadores e de personale Oss».
In su 2018 naschet s’assòtziu Zoe. Cun cale mira?
«Deo e carchi amigu meu disigiaiamus de agiudare sa gente a agatare resones de ditzas in sa vida de cada die. Dae chie partètzipat a sos cursos nostros chircamus de nde bogare a campu sas capatzidades cuadas in s’ànima. Sa missione nostra est sa solidariedade. Ognunu tenet unu o prus talentos chi, a bias, no agatant tempus e logu pro s’espressare. Pro custu amus pensadu de ofèrrere servìtzios diversos a pitzinnos e mannos».
S’assòtziu a chie est abertu?
«A totus. Dae sos pitzinnos a sos betzos. Ponimus aficu a s’incuru de sos disìgios de una famìlia intrea».
Duncas, a cales servìtzios ais pensadu?
«Incurende sa creatividade, su pensu e sa manualidade ordingiamus cursos diversos. Cursos de chiterra e de ukulele chi su maistru Giovanni Cherchi faghet cun aficu mannu. B’amus finas cursos de disinnu, de amigurumi e de robòtica. Imparamus finas a impreare sos telefoneddos a sos antzianos. Annanghimus semper servìtzios noos. Pro esempru sas atividades chi si podent fàghere in foras de su locale de s’assòtziu».
Cales diant èssere custas atividades?
«Su campègiu pro pitzinnos. L’ordingiamus in s’istiu. Sunt bator dies e tres nottes ch’issos nche colant sena telefoneddu. No istamus , faghimus animazione, andamus a su mare e a sa piscina».
Su progetu de Robòtica Lego, it’est?
«Si moet dae su giogu Lego, a sa manera traditzionale, aunende sos cantos de matonitos de plàstica e fraighende unu gioghitu. A custu, pro mèdiu de sa Robòtica s’aunit una unidade tzentrale chi allegat, a manera eletrònica, cun su tablet. Gosi naschet su movimentu de su gioghitu matessi. In presse amus a giùghere su progetu a Tissi pro fàghere unu cursu a unos cantos pitzinnos de cussa bidda. Mi so abigiadu chi a sos pitzinnos lis agradat meda».
In unu traballu che a su tuo, ite serbit?
«Istima pro sas pessones e sa realidade. In s’istima b’agatas totu: su de acollire, de iscurtare, de currègere, sa misericòrdia e sa paghe. In una relata, de traballu o de istima, iscurtare trasmitit unu messàgiu craru: a tie so donende un’iscuta de su tempus meu, ch’est intregadu petzi a tie. Àtera cosa importante est su de fàghere. A pustis de l’àere promissa, s’istima, tocat de l’iscumproare a manera cuncreta cun atziones, initziativas e impinnos verdaderos. Cando deo iscurto a s’àteru so giai faghende un’atzione bera».
In una sotziedade semper in lestresa, ite pensas chi potzat èssere importante?
«Su pensamentu meu est chi, tocat de cumprèndere su chi disigiamus e su chi nos serbit. Òmines e fèminas diant dèvere bìdere su traballu comente un’istrumentu chi permitit de bìvere chirchende de no èssere iscraos de ritmos isfiadosos. Cussos ritmos impèigant de fàghere àteras cosas netzessàrias a otènnere ditza. Serrados in una gàbbia de traballu, faghende cussu ebbia, s’arriscat de sutràere tempus a sas istimas, a s’amistade e a su saludu. Sa mira fitiana devet èssere s’echilìbriu de sos impinnos de cada die pro pòdere bìvere in cuntentesa».
