Mègius “amistade” chi non “amicizia”
—RETZITARE, LÈGHERE, DECLAMARE non RESARE. In sardu tenimus su verbu “resare” chi inditat s’atzione de chie “resat su breviàriu, su rosàriu, sa missa, sos salmos, etc.”, in pràtica chie est narende...
1 MINUTI DI LETTURA
—RETZITARE, LÈGHERE, DECLAMARE non RESARE. In sardu tenimus su verbu “resare” chi inditat s’atzione de chie “resat su breviàriu, su rosàriu, sa missa, sos salmos, etc.”, in pràtica chie est narende testos religiosos, leghende, declamende, retzitende, preghende. Benit dae s’ispagnolu “rezar”, dae su lat. «recitāre» (=retzitare), mescamente pro inditare “chie narat a Deus o a pessones santas oratziones religiosas” o pro “nàrrere sa missa, un’oratzione, etc., e non pro la cantare”. Tando, non tenet sentidu de impreare “resare” in foras de cosas de crèsia. Pro un’ispetàculu de poesia, est mègius “retzitare / lèghere / declamare” e “rètzita / letura de poesias”.
—AMIGHÈNTZIA, AMISTADE no AMICIZIA. Pro inditare su sentimentu de afetu intre pessones, naramus “amighèntzia” (finas ‘amigàntzia’) o “amistade”. Su primu est frutu de “amigu” + sufissu “-èntzia”, su segundu est un’adatamentu dae s’ispagnolu “amistad”. In sardu tenimus finas “amistàntzia”, chi benit da s’italianu antigu o ispagnolu “amistanza” . (d.corràine)
—AMIGHÈNTZIA, AMISTADE no AMICIZIA. Pro inditare su sentimentu de afetu intre pessones, naramus “amighèntzia” (finas ‘amigàntzia’) o “amistade”. Su primu est frutu de “amigu” + sufissu “-èntzia”, su segundu est un’adatamentu dae s’ispagnolu “amistad”. In sardu tenimus finas “amistàntzia”, chi benit da s’italianu antigu o ispagnolu “amistanza” . (d.corràine)
Non lasciare decidere l'algoritmo:
scegli La Nuova Sardegna per le tue notizie su Google
