Fab lab: ideas e produtos noos in sas ofitzinas digitales sardas
de Màuru Piredda
Tres annos a como su primu laboratòriu cun Sardegna ricerche in Pula In Tàtari su primu “fraile” no istitutzionale. Un’iscummissa pro sa manifatura
2 MINUTI DI LETTURA
TÀTARI. Imprentadoras e iscansionadores 3D, fresadoras, sestadores de imprenta, ismutzadores laser. Est a nàrrere, unas cantas ainas computerizadas chi podimus agatare in sos laboratòrios de fràigu digitale connotos mègius comente Fab lab. Logos in ue sa cultura a còdighe abertu si còjuat cun sa manifatura, s’artesania, sos progetos iscolàsticos e educativos. Sa prima butega l’ant aberta in Boston, in su “media lab” de s’Istitutu de tecnologia de su Massachussets (Mit). Fiat su 2003 e totu nascheit dae s’idea de su prof. Neil Gershenfeld. Dae tando custos frailes digitales sunt essidos a campu che a tuntunnu in cada chirru de su praneta. In Sardigna su primu Fab Lab l’ant fatu nàschere sos de Sardegna Ricerche, su 2014, in su Parcu iscientìficu e tecnològicu de sa Sardigna (Pula).
«Unu laboratòriu abertu – est su chi leghimus in su situ internet issoro – a sos chi disìgiant ideare e realizare ogetos e imbentos. Sos utentes podent pigare parte a cursos, seminàrios e àteras initziativas. Podent finamentas gosare ispàtzios cumpartzidos, nolegiare màchinas, impreare atretzaduras e retzire assistèntzia tècnica».
Su matessi annu est nàschidu su primu Fab Lab no istitutzionale, in Tàtari, istrutura ligada a su Fab Charter de su Mit. «Ma – comente nos contat Antoni Maria Ledda, architetu silighesu e unu intre sos pioneris de custa esperièntzia – amus cumintzadu a traballare cun sos fràigos digitales dae su 2009». «Movimus dae sas persones – galu Ledda – chi bortant sas ideas in produtos noos. Lis frunimus sos istrumentos avantzados e sas cumpetèntzias pretzisas a tales chi si colet dae sos datos a sos ogetos e a s’imbesse». Produtos pro s’impreu fitianu, protòtipos, dispositivos tecnològicos. In su portafòlliu de su Fab Lab tataresu b’at ulleras, tzeràmicas e bòvedas paramètricas, sistemas ortopèdicos, làmpanas de linna e àteros sistemas pro allùghere, postatziones pro Playstation, rampas pro cadreas a rodas, elementos modulares de cada casta, arredos.
«Amus pigadu parte – sighit Ledda – a unos cantos eventos comente Maker Faire, Sinnova e àteros. De prus, punnamus a collaborare cun iscolas e istitutos de formatzione. Gràtzias a “Tutti a iscol@” amus pòdidu traballare cun sos pitzocos». Custas ofitzinas l’ant a dare su contributu issoro a sa manifatura, oe in crisi? «Comente amus a bìvere, imparare, traballare e giogare – pregontant Ledda e cumpàngios – cando totu cantos ant a pòdere fàghere de totu e in totue? Sa rivolutzione est cumintzada».
«Unu laboratòriu abertu – est su chi leghimus in su situ internet issoro – a sos chi disìgiant ideare e realizare ogetos e imbentos. Sos utentes podent pigare parte a cursos, seminàrios e àteras initziativas. Podent finamentas gosare ispàtzios cumpartzidos, nolegiare màchinas, impreare atretzaduras e retzire assistèntzia tècnica».
Su matessi annu est nàschidu su primu Fab Lab no istitutzionale, in Tàtari, istrutura ligada a su Fab Charter de su Mit. «Ma – comente nos contat Antoni Maria Ledda, architetu silighesu e unu intre sos pioneris de custa esperièntzia – amus cumintzadu a traballare cun sos fràigos digitales dae su 2009». «Movimus dae sas persones – galu Ledda – chi bortant sas ideas in produtos noos. Lis frunimus sos istrumentos avantzados e sas cumpetèntzias pretzisas a tales chi si colet dae sos datos a sos ogetos e a s’imbesse». Produtos pro s’impreu fitianu, protòtipos, dispositivos tecnològicos. In su portafòlliu de su Fab Lab tataresu b’at ulleras, tzeràmicas e bòvedas paramètricas, sistemas ortopèdicos, làmpanas de linna e àteros sistemas pro allùghere, postatziones pro Playstation, rampas pro cadreas a rodas, elementos modulares de cada casta, arredos.
«Amus pigadu parte – sighit Ledda – a unos cantos eventos comente Maker Faire, Sinnova e àteros. De prus, punnamus a collaborare cun iscolas e istitutos de formatzione. Gràtzias a “Tutti a iscol@” amus pòdidu traballare cun sos pitzocos». Custas ofitzinas l’ant a dare su contributu issoro a sa manifatura, oe in crisi? «Comente amus a bìvere, imparare, traballare e giogare – pregontant Ledda e cumpàngios – cando totu cantos ant a pòdere fàghere de totu e in totue? Sa rivolutzione est cumintzada».
Non lasciare decidere l'algoritmo:
scegli La Nuova Sardegna per le tue notizie su Google
