Sos nùmenes de sos logos de unu pòpulu
Sos nùmenes de sos logos sunt sa mustra prus nòida de sa diversidade linguìstica de unu pòpulu. Ma sunt finas sa testimonia de s’istòria sua e de sas limbas faeddadas dae sos poderios istràngios chi...
1 MINUTI DI LETTURA
Sos nùmenes de sos logos sunt sa mustra prus nòida de sa diversidade linguìstica de unu pòpulu. Ma sunt finas sa testimonia de s’istòria sua e de sas limbas faeddadas dae sos poderios istràngios chi ant ocupadu unu territòriu in tempos antigòrios. Est de importu mannu, tando, a dare a sos nùmenes de logu de Sardigna —belle semper pre-latinos— s’iscritura ufitziale chi currispondat a sa pronùntzia issoro de como, ca sunt istados deformados dae topògrafos, geògrafos o funtzionàrios istràngios chi non connoschiant bene su sardu.
Como sa lege sarda 26/97 e s’istatale 482/99 cunsentint de pònnere sos nùmenes de logu in sardu: biddas, rios, montes, giassos. Sa Toponomàstica est sa sièntzia chi istùdiat custos nùmenes e duncas est capatza de nd’istabilire sa pronùntzia e s’iscritura giusta.
E tando est giustu a colare dae Nuoro a Nùgoro, dae Cagliari a Casteddu, dae Oristano a Aristanis, dae Sassari a Tàtari. E gasi sighende: Onifai>Oniai, Loculi>Lòcula, Galtellì>Garteddi, Mamoiada>Mamujada, Orotelli>Oroteddi, Dorgali>Durgali, Oliena>Ulìana, Lanusei>Lanusè, Barisardo>Barì, Girasole>Gelisuli, Ulassai>Ulassa, Ussassai>Ussassa, Jerzu>Iersu, Fonni>Fonne, Ghilarza>Bilartzi, etc. (d.c.)
Como sa lege sarda 26/97 e s’istatale 482/99 cunsentint de pònnere sos nùmenes de logu in sardu: biddas, rios, montes, giassos. Sa Toponomàstica est sa sièntzia chi istùdiat custos nùmenes e duncas est capatza de nd’istabilire sa pronùntzia e s’iscritura giusta.
E tando est giustu a colare dae Nuoro a Nùgoro, dae Cagliari a Casteddu, dae Oristano a Aristanis, dae Sassari a Tàtari. E gasi sighende: Onifai>Oniai, Loculi>Lòcula, Galtellì>Garteddi, Mamoiada>Mamujada, Orotelli>Oroteddi, Dorgali>Durgali, Oliena>Ulìana, Lanusei>Lanusè, Barisardo>Barì, Girasole>Gelisuli, Ulassai>Ulassa, Ussassai>Ussassa, Jerzu>Iersu, Fonni>Fonne, Ghilarza>Bilartzi, etc. (d.c.)
Non lasciare decidere l'algoritmo:
scegli La Nuova Sardegna per le tue notizie su Google
