Si iscriet GATU non BATU. Si narat INGLESU no INGLESE
—GAMA, GATU, GUSTU non BAMA, BATU, BUSTU. In unas cantas biddas, sa “g” originària latina de cumintzu de paràula, si est pretzèdida dae vocale, podet rùere: “sa ‘ama”, “su ‘atu”, “su ‘ustu”, etc.,...
1 MINUTI DI LETTURA
—GAMA, GATU, GUSTU non BAMA, BATU, BUSTU. In unas cantas biddas, sa “g” originària latina de cumintzu de paràula, si est pretzèdida dae vocale, podet rùere: “sa ‘ama”, “su ‘atu”, “su ‘ustu”, etc., pro torrare si est pretzèdida dae cunsonante, ma... cambiada in “b”! E duncas narant: “sas bamas”, “sos batos”, “sos bustos”, etc. Pro ite? Ca in custas biddas ruet sa “b” originària de cumintzu de paràula cando est pretzèdida dae vocale, es.: “su ‘entu” (su bentu), “su ‘inu” (su binu), etc.), e pessant chi si tratet de “b” finas cando a rùere est una “g”. Comente in ‘Ennàrgiu >Bennàrgiu. Tando, est mègius a iscrìere “gama”, “gatu”, “gustu”, “gustare”, “Ghennàrgiu”, etc.
—INGLESU, -ESA no INGLESE. Sos nùmenes chi inditant apartenèntzia a natzione, regione, limba, chi in italianu agabbant in “-ese” tenent gènere maschile e feminile e agabant semper in “-esu”, “-esa”, es.: inglesu/inglesa, frantzesu/frantzesa,albanesu/albanesa, pugliesu/pugliesa, etc. (d.corràine)
—INGLESU, -ESA no INGLESE. Sos nùmenes chi inditant apartenèntzia a natzione, regione, limba, chi in italianu agabbant in “-ese” tenent gènere maschile e feminile e agabant semper in “-esu”, “-esa”, es.: inglesu/inglesa, frantzesu/frantzesa,albanesu/albanesa, pugliesu/pugliesa, etc. (d.corràine)
Non lasciare decidere l'algoritmo:
scegli La Nuova Sardegna per le tue notizie su Google
