Sa glotodiversidade, unu valore universale
Ite est sa “glotodiversidade”? Cun unu faeddu ebbia (dae su gregu «glōtto-», ‘limba’, e dae su latinu «diversitātem»), definimus sa “diversidade” de prus de 6.000 limbas in perìgulu, cunsiderada...
1 MINUTI DI LETTURA
Ite est sa “glotodiversidade”? Cun unu faeddu ebbia (dae su gregu «glōtto-», ‘limba’, e dae su latinu «diversitātem»), definimus sa “diversidade” de prus de 6.000 limbas in perìgulu, cunsiderada comente unu valore universale chi cheret afortidu contra a s’assimilatzione praticada dae pagas limbas “mannas”, comente s’inglesu e àteras limbas “regionales” comente frantzesu, ispagnolu, tedescu, portughesu, russu, tzinesu, àrabu, etc. Pro neghe de custas limbas, in antis cun su colonialismu e como cun su neocolonialismu mundialista, sunt morende limbas minores e mannas, comente sunt in perìgulu sa “biodiversidade” e “etnodiversidade”.
S’autoassugetamentu a s’espansione globale de s’inglesu dae parte de sas classes dominantes in: cultura, informatzione, literadura, tzìnema, economia, polìtica, sièntzia, sunt afortende custu protzessu de cunformismu linguìsticu-culturale.
A pagu ant a servire sas decraratziones de s’Unesco pro sa diversidade culturale e linguìstica, si non nos movimus natziones e populos pro sarvare o torrare a fraigare sa “Turre de Babele”, comente bene umanu supremu. Cosa chi semus faghende! (d.c.)
S’autoassugetamentu a s’espansione globale de s’inglesu dae parte de sas classes dominantes in: cultura, informatzione, literadura, tzìnema, economia, polìtica, sièntzia, sunt afortende custu protzessu de cunformismu linguìsticu-culturale.
A pagu ant a servire sas decraratziones de s’Unesco pro sa diversidade culturale e linguìstica, si non nos movimus natziones e populos pro sarvare o torrare a fraigare sa “Turre de Babele”, comente bene umanu supremu. Cosa chi semus faghende! (d.c.)
Non lasciare decidere l'algoritmo:
scegli La Nuova Sardegna per le tue notizie su Google
