Si narat MESAUSTU, non FERRAGOSTO
—MESAUSTU non FERRAUSTU. In sardu tenimus su tèrmine “mesaustu” pro definire sa festa de su 15 de austu de cada annu. Su faeddu est antigu meda, giai presente in sos “Istatutos Tataresos” (1316) in...
1 MINUTI DI LETTURA
—MESAUSTU non FERRAUSTU. In sardu tenimus su tèrmine “mesaustu” pro definire sa festa de su 15 de austu de cada annu. Su faeddu est antigu meda, giai presente in sos “Istatutos Tataresos” (1316) in sa frase «et daue su primu di de lampatas fina ad mesu agustu». Duncas, non b’at perunu bisòngiu de nàrrere s’italianismu “ferraustu”, comente a dolu mannu nos est acuntessende de lèghere in sardu in carchi pàgina web. Su “ferragosto” italianu derivat dae su latinu “Feriae Augusti” (pasu de Augustu) pro sa festa istituida dae s'imperadore Augustu in su 18 a.C., cunfirmada e cristianizada dae sa Crèsia chi festat s’Assuntzione de Maria vìrghine in chelu pròpiu in “mesu” de su mese de austu.
—COETE non FOGU ARTIFITZIALE. In ocasione de festas, costumamus a tirare sos coetes. Su faeddu “coete” benit dae s’ispagnolu “cohete” e custu dae su catalanu “coet”, chi, pro su linguista Meyer-Lübke, derivat dae su frantzesu “coué” (chi tenet sa coa). Difatis, su coete est fatu de unu tubu de pabiru o cartone prenu de prùera aunidu in sa parte bassa a una birga de linna (sa “coa”). (d.corràine)
—COETE non FOGU ARTIFITZIALE. In ocasione de festas, costumamus a tirare sos coetes. Su faeddu “coete” benit dae s’ispagnolu “cohete” e custu dae su catalanu “coet”, chi, pro su linguista Meyer-Lübke, derivat dae su frantzesu “coué” (chi tenet sa coa). Difatis, su coete est fatu de unu tubu de pabiru o cartone prenu de prùera aunidu in sa parte bassa a una birga de linna (sa “coa”). (d.corràine)
Non lasciare decidere l'algoritmo:
scegli La Nuova Sardegna per le tue notizie su Google
