Giovanni Ciusa Romagna, sa soledade de sos logos nostros
Pro sa coberta de “Cannas a bentu”, Papiros at isseberadu una pintura de Giovanni Ciusa Romagna (1907-1958), “Mangianu de istiu”, presente in sa Colletzione de sa Comuna de Nùgoro, chi rapresentat...
1 MINUTI DI LETTURA
Pro sa coberta de “Cannas a bentu”, Papiros at isseberadu una pintura de Giovanni Ciusa Romagna (1907-1958), “Mangianu de istiu”, presente in sa Colletzione de sa Comuna de Nùgoro, chi rapresentat bene meda s’idea de sa soledade de sos logos nostros paris cun sa presèntzia de su frutu de su traballu de massajos o pastores. Giovanni, a 15 annos, andat a s’Acadèmia de Bellas artes de Firenze. Torradu a Nùgoro in su 1925, in su 1926 est professore in s’Iscola de arte aplicada de Aristanis, fundada dae su tziu, s’artista famadu Francesco Ciusa (1883-1949). Ma sighit a si formare in Roma e in Venezia, in ue si diplomat in su 1935.
Est istadu finas professore de disinnu e istòria de s’arte (e a pustis prèside) in s’Istitutu magistrale de Nùgoro. In sas pinturas suas, mustrat un’interessu mannu pro sos logos e sas pessones chi l’inghìriant, dae Nùgoro a Ulìana (bidda de sa mama) e a aterue. Est de seguru unu rapresentante distintu de sa pintura nostra intre sos annos ‘30 e ‘50.
Est istadu finas professore de disinnu e istòria de s’arte (e a pustis prèside) in s’Istitutu magistrale de Nùgoro. In sas pinturas suas, mustrat un’interessu mannu pro sos logos e sas pessones chi l’inghìriant, dae Nùgoro a Ulìana (bidda de sa mama) e a aterue. Est de seguru unu rapresentante distintu de sa pintura nostra intre sos annos ‘30 e ‘50.
Non lasciare decidere l'algoritmo:
scegli La Nuova Sardegna per le tue notizie su Google
