TRABALLOS
S’abiàrgiu ch’iscurtat sas abes
Alberto Scarabelli 60 annos, abiàrgiu, nàschidu in Pianello Val Tidone (Piacenza). In Marrùbiu paris cun sa mugere sighit s’azienda sua Apinath.Alberto, dae ite ses divènnidu abiàrgiu?«Dae pitzocu...
30 maggio 2021
3 MINUTI DI LETTURA
Alberto Scarabelli 60 annos, abiàrgiu, nàschidu in Pianello Val Tidone (Piacenza). In Marrùbiu paris cun sa mugere sighit s’azienda sua Apinath.
Alberto, dae ite ses divènnidu abiàrgiu?
«Dae pitzocu apo traballadu in sa butega alimentare de famìlia. A inghìriu de sos 30 annos so bènnidu in Sardigna. Fiat su 1992 cando connadu meu m’at ammustradu comente traballaiat cun sos mojos suos. In su 1993 apo comporadu bator mojos. Dae tando apo intregadu sa vida mea a s’incuru de sas abes e a su traballu cun su mele».
Non produis ebbia, beru?
«S’atividade si partzit in tres maneras: produtzione ligada dereta a sas abes; imboligadura in su laboratòriu e in fines, sa bèndida. Apo isseberadu de cumprire sa filiera tota».
S’istajone de produtzione cale est?
«Dae su beranu a s’atòngiu. Si sighint sas froriduras, ma podent èssere finas ierriles che a sa pranta de su lidone».
S’abicultivu “tràvica locos”, it’est?
«Sas abes devent sùere su nètare dae sos frores. S’abiàrgiu iscòstiat sos mojos in sos terrinos ue b’at froriduras ispetzìficas, pro àere su mele disigiadu. Si chèrgio mele de arantzu los iscòstio ue b’at frutales de arantzu e gosi matessi si chirco prantas de isciareu. Su ch’importat est chi càpitet “sa majia”».
Conta·nos·la…
«Pro àere mele no est bastante su tràmudu de sas abes. Serbint temperadura e umidore giustos, bentos nen fritos nen caentes e abes sanas. Sa cumbinatzione de custos elementos in su matessi momentu dat sa majia».
Un’abe cantu campat?
«Sas abes operajas, campant dae su beranu a s’atòngiu, morint de traballu. Sas chi naschent in atòngiu traballant de mancu e campant finas a martzu. S’abe reina, sa mere de su moju chi faghet sos oos, campat 5 annos. Issa est serbida, caentada, isfritada e sustentada dae sas operajas. Custas, cando sa reina non serbit prus, la ochint e nde pesant un’àtera. Sas abes bivent comente colònia e nemos balet prus de un’àteru».
Sos sentidos de s’abiàrgiu, sas abes a l’intendent?
«Tzertu, cando las còmpidas, intendent comente ses e comente t’ammustras. Si ses arrennegadu, s’as bufadu binu, si bestis cun colores iscuros sas abes s’inchietant e punghent de prus».
Tue produis calidades de mele diversas, cumbinadas e terapeùticas?
«Una deghina de variedades. Sos meles de lidone, isciareu e cardu, sos tres petzi sardos. Fatzo finas su de eucalitu, bonu pro sos istorbos de sa gula. Su de arantzu dìligu e nuscosu, assèliat agiudende a dormire. Bendimus totu su chi produint sas abes, annanghende produtos cumbinados che a su mele cun nutzola, mele cun cùrcuma e faghimus finas caramellas».
Finas mugere tua bi traballat?
«Eja! Incurat sa contabilidade, sas trasformatziones de su mele, sas cunsinnas a domo. Est brava a beru».
Ue bendides?
«Tres bias a sa chida, in sos mercados a sa minuda. In s’istiu, sa domìniga a S.Lenardu Siete Fuentes. Dae 15 annos leo parte a sa fiera de Milano cun tres mìgia produtores dae cale si siat istadu. Dae sa Sardigna andant 150 esposidores. Custa fiera permitit su cunfrontu cun sos àteros produtores. Bendo online, apo cuntatos cun clientes inglesos, frantzesos, tedescos».
Pro sa bèndida on-line, finas a sos tzurpos as pensadu?
«Cale si siat initziativa non podet àere làcanas. Unu collaboradore m’incurat finas sa pàgina intregada a sos tzurpos, chi podent iscurtare ite produimus e si podent relatare cun nois».
A sas abes, s’incuinamentu cantu dannu faghet?
«In antis, abiàrgiu e massaju podiant traballare aunidos ca a unu serbint sos frores, a s’àteru sas abes pro impoddinare sas prantas. Oe, a dolu mannu, pro neghe de sos fitofàrmacos, un’abiàrgiu fuet dae tzertos cultivos ue s’agatant prantas tropu meigadas chi ochint sas abes. Sa produtzione de mele, in sos ùrtimos annos, est minimada meda, finas pro su tempus e sos fogos. Sa pelea de s’abiàrgiu, est sa de mantènnere sas abes bias! Sena abes non s’ant nen frùtora nen birdura, diat èssere unu dannu pro su praneta».
Pro ite sighis custu traballu? «Ca istimo sas abes e sa relata cun sa gente. In sos mojos b’at unu mundu ch’amàsiat. Cando los còmpido semper naro... Oe… ite novas m’at a contare custu moju de vida?».
Alberto, dae ite ses divènnidu abiàrgiu?
«Dae pitzocu apo traballadu in sa butega alimentare de famìlia. A inghìriu de sos 30 annos so bènnidu in Sardigna. Fiat su 1992 cando connadu meu m’at ammustradu comente traballaiat cun sos mojos suos. In su 1993 apo comporadu bator mojos. Dae tando apo intregadu sa vida mea a s’incuru de sas abes e a su traballu cun su mele».
Non produis ebbia, beru?
«S’atividade si partzit in tres maneras: produtzione ligada dereta a sas abes; imboligadura in su laboratòriu e in fines, sa bèndida. Apo isseberadu de cumprire sa filiera tota».
S’istajone de produtzione cale est?
«Dae su beranu a s’atòngiu. Si sighint sas froriduras, ma podent èssere finas ierriles che a sa pranta de su lidone».
S’abicultivu “tràvica locos”, it’est?
«Sas abes devent sùere su nètare dae sos frores. S’abiàrgiu iscòstiat sos mojos in sos terrinos ue b’at froriduras ispetzìficas, pro àere su mele disigiadu. Si chèrgio mele de arantzu los iscòstio ue b’at frutales de arantzu e gosi matessi si chirco prantas de isciareu. Su ch’importat est chi càpitet “sa majia”».
Conta·nos·la…
«Pro àere mele no est bastante su tràmudu de sas abes. Serbint temperadura e umidore giustos, bentos nen fritos nen caentes e abes sanas. Sa cumbinatzione de custos elementos in su matessi momentu dat sa majia».
Un’abe cantu campat?
«Sas abes operajas, campant dae su beranu a s’atòngiu, morint de traballu. Sas chi naschent in atòngiu traballant de mancu e campant finas a martzu. S’abe reina, sa mere de su moju chi faghet sos oos, campat 5 annos. Issa est serbida, caentada, isfritada e sustentada dae sas operajas. Custas, cando sa reina non serbit prus, la ochint e nde pesant un’àtera. Sas abes bivent comente colònia e nemos balet prus de un’àteru».
Sos sentidos de s’abiàrgiu, sas abes a l’intendent?
«Tzertu, cando las còmpidas, intendent comente ses e comente t’ammustras. Si ses arrennegadu, s’as bufadu binu, si bestis cun colores iscuros sas abes s’inchietant e punghent de prus».
Tue produis calidades de mele diversas, cumbinadas e terapeùticas?
«Una deghina de variedades. Sos meles de lidone, isciareu e cardu, sos tres petzi sardos. Fatzo finas su de eucalitu, bonu pro sos istorbos de sa gula. Su de arantzu dìligu e nuscosu, assèliat agiudende a dormire. Bendimus totu su chi produint sas abes, annanghende produtos cumbinados che a su mele cun nutzola, mele cun cùrcuma e faghimus finas caramellas».
Finas mugere tua bi traballat?
«Eja! Incurat sa contabilidade, sas trasformatziones de su mele, sas cunsinnas a domo. Est brava a beru».
Ue bendides?
«Tres bias a sa chida, in sos mercados a sa minuda. In s’istiu, sa domìniga a S.Lenardu Siete Fuentes. Dae 15 annos leo parte a sa fiera de Milano cun tres mìgia produtores dae cale si siat istadu. Dae sa Sardigna andant 150 esposidores. Custa fiera permitit su cunfrontu cun sos àteros produtores. Bendo online, apo cuntatos cun clientes inglesos, frantzesos, tedescos».
Pro sa bèndida on-line, finas a sos tzurpos as pensadu?
«Cale si siat initziativa non podet àere làcanas. Unu collaboradore m’incurat finas sa pàgina intregada a sos tzurpos, chi podent iscurtare ite produimus e si podent relatare cun nois».
A sas abes, s’incuinamentu cantu dannu faghet?
«In antis, abiàrgiu e massaju podiant traballare aunidos ca a unu serbint sos frores, a s’àteru sas abes pro impoddinare sas prantas. Oe, a dolu mannu, pro neghe de sos fitofàrmacos, un’abiàrgiu fuet dae tzertos cultivos ue s’agatant prantas tropu meigadas chi ochint sas abes. Sa produtzione de mele, in sos ùrtimos annos, est minimada meda, finas pro su tempus e sos fogos. Sa pelea de s’abiàrgiu, est sa de mantènnere sas abes bias! Sena abes non s’ant nen frùtora nen birdura, diat èssere unu dannu pro su praneta».
Pro ite sighis custu traballu? «Ca istimo sas abes e sa relata cun sa gente. In sos mojos b’at unu mundu ch’amàsiat. Cando los còmpido semper naro... Oe… ite novas m’at a contare custu moju de vida?».
