TRABALLOS
«Sos caddos chi faeddant a mie»
Dafne Pintus, tataresa. Maistra de iscola de infàntzia. Dae minore amantiosa de sos caddos, contat de sa vida sua de cavaliera e de istrutora. Dafne, s’adòbiu cun sos caddos cando l’as àpidu?«Aia 7...
4 MINUTI DI LETTURA
Dafne Pintus, tataresa. Maistra de iscola de infàntzia. Dae minore amantiosa de sos caddos, contat de sa vida sua de cavaliera e de istrutora.
Dafne, s’adòbiu cun sos caddos cando l’as àpidu?
«Aia 7 annos cando apo bisitadu unu manìgiu de Tàtari ue apo àpidu s’incantu de s’adòbiu cun ponys e caddos. Leaia parte a cursos simples pro andare a caddu. Su ligàmine cun su caddu e sa cunfiàntzia los apo intesos deretos. Ma cun sos impignos de iscola, apo dèvidu lassare su manìgiu, finas a cando a 17 annos, pro su compleannu, m’ant fatu unu donu ispantosu. Una passigiada a caddu! A pustis de annos, cun su caddu, apo intesu torra cuddu ligàmine ch’aia connotu dae minore. Un’istrutore m’at sighida bene pro carchi annu e m’at ammaniada pro sos cuncursos. In s’interim aia congruidu su diploma magistrale».
S’ammaniamentu ite previdit?
«Deo su caddu no lu timia e duncas apo imparadu luego sas tres andantas suas, chi sunt: a passu ch’est s’andanta a bellu a bellu; a trotu istentosu o corfasedda unu ritmu prus forte ue si chircat s’echilìbriu cun su caddu; in fines a galopu s’andanta prus lestra e segura. S’imparat finas a brincare sos ostàculos. S’incurat s’echilìbriu e sa resistèntzia. Girende in Sardigna apo partetzipadu a paritzas garas cun prèmios».
Ses divènnida istrutora in presse, traballende finas in foras…
«Eja. In su 2002 m’apo comporadu unu caddu, chi m’at acumpangiada, pagu prus o mancu, pro 11 annos. Apo traballadu in sos manìgios de tzitades che a Sestri Levante, Chieri, Biella. Su cursu de Animadora Pony m’at permìtidu de sighire sos pitzinnos dae sos 4 annos in susu, imparende∙lis su rispetu pro s’animale e sa passèntzia netzessària a l’innetare, lu seddare, l’ispatzolare e a lu carinnare».
Pro sos pitzinnos, educativu meda mi paret…
«Sena duda, finas pro sos mannos! S’imparat sa dissiplina e a cumprèndere chi su caddu at una sensibilidade forte ch’andat aunida a sa sensibilidade de su cavalieri».
E carchi gara remenosa, a ti l’ammentas?
«In Biella apo fatu finas garas mutidas de Completo cun Cross de campu. Si faghiat unu caminu de 1.575 metros moende a bellu a bellu e posca sighende a galopu, brinchende∙nche sos ostàculos. Pro retzire prèmios su caminu lu deves fàghere colende bene sos ostàculos».
Tue finas ipoterapista ses?
«Eja. In su 2007, in Sardigna, apo leadu parte a su cursu de Ipoterapia, ordingiadu dae sa Fise. Disigiaia de trasmìtere s’istima pro sos caddos e sa bellesa de custu isport a cale si siat pessone, cumpresos sos disàbiles. In su cursu apo istudiadu finas neuropsichiatria e psicologia pro pòdere traballare cun chie tenet s’autismu. Est un’esperièntzia forte, galana e funguda meda. Sa terapia cun s’agiudu de s’animale faghet bene, c’agiudat finas a s’avalorare».
Iscussiende·lu, su caddu, devet èssere passentziosu…
«Pro sas iscolas, de avesu, s’impreant caddos betzos o chi non current prus in sas garas ca sunt prus asseliados. Unu caddu s’iscùssiat dae sos 2 annos in susu. A s’incumentzu si devet avesare a sa presèntzia de su cavalieri. Posca si devet avesare a su sutabentre e a su pesu de sa sedda e de su cavalieri. Pro custa resone, a manera graduale, si li ponet a coddu carchi sacu prenu de pàgia o trigu pro chi s’aveset. Coladas custas fases podet èssere impreadu. Tzertu sos caddos si devent finas pasare in libertade, inghiriados de istima».
Caddu, cavalieri e sentidos… ite ligàmine naschet?
«Giai dae cando su cavalieri ponet su pee in s’istafa, su caddu, cun sa sensibilidade forte sua, intendet s’isse est nerviosu, assustadu e si no at cunfiàntzia. Si narat chi, cun su tempus, intre caddu e cavalieri, b’est su binòmio ca duas entidades divenint petzi una».
So bidende chi, faeddende de sos caddos, sos ogros ti lughent. Issos ite ti dant?
«Sensu de libertade e de bellesa. Ammaniende caddos pro sas garas e pro sas iscolas apo finas imparadu a nde connòschere sos sinnales cando no istant bene. Non so deo chi los faeddo ma sunt issos chi faeddant a mie. In su 2013, a dolu mannu, est mortu su caddu meu. Una parte de mene est bolada cun issu…forsis a brincare carchi ostàculu a galopu in unu tretu de tempus sena làcanas».
Dafne, s’adòbiu cun sos caddos cando l’as àpidu?
«Aia 7 annos cando apo bisitadu unu manìgiu de Tàtari ue apo àpidu s’incantu de s’adòbiu cun ponys e caddos. Leaia parte a cursos simples pro andare a caddu. Su ligàmine cun su caddu e sa cunfiàntzia los apo intesos deretos. Ma cun sos impignos de iscola, apo dèvidu lassare su manìgiu, finas a cando a 17 annos, pro su compleannu, m’ant fatu unu donu ispantosu. Una passigiada a caddu! A pustis de annos, cun su caddu, apo intesu torra cuddu ligàmine ch’aia connotu dae minore. Un’istrutore m’at sighida bene pro carchi annu e m’at ammaniada pro sos cuncursos. In s’interim aia congruidu su diploma magistrale».
S’ammaniamentu ite previdit?
«Deo su caddu no lu timia e duncas apo imparadu luego sas tres andantas suas, chi sunt: a passu ch’est s’andanta a bellu a bellu; a trotu istentosu o corfasedda unu ritmu prus forte ue si chircat s’echilìbriu cun su caddu; in fines a galopu s’andanta prus lestra e segura. S’imparat finas a brincare sos ostàculos. S’incurat s’echilìbriu e sa resistèntzia. Girende in Sardigna apo partetzipadu a paritzas garas cun prèmios».
Ses divènnida istrutora in presse, traballende finas in foras…
«Eja. In su 2002 m’apo comporadu unu caddu, chi m’at acumpangiada, pagu prus o mancu, pro 11 annos. Apo traballadu in sos manìgios de tzitades che a Sestri Levante, Chieri, Biella. Su cursu de Animadora Pony m’at permìtidu de sighire sos pitzinnos dae sos 4 annos in susu, imparende∙lis su rispetu pro s’animale e sa passèntzia netzessària a l’innetare, lu seddare, l’ispatzolare e a lu carinnare».
Pro sos pitzinnos, educativu meda mi paret…
«Sena duda, finas pro sos mannos! S’imparat sa dissiplina e a cumprèndere chi su caddu at una sensibilidade forte ch’andat aunida a sa sensibilidade de su cavalieri».
E carchi gara remenosa, a ti l’ammentas?
«In Biella apo fatu finas garas mutidas de Completo cun Cross de campu. Si faghiat unu caminu de 1.575 metros moende a bellu a bellu e posca sighende a galopu, brinchende∙nche sos ostàculos. Pro retzire prèmios su caminu lu deves fàghere colende bene sos ostàculos».
Tue finas ipoterapista ses?
«Eja. In su 2007, in Sardigna, apo leadu parte a su cursu de Ipoterapia, ordingiadu dae sa Fise. Disigiaia de trasmìtere s’istima pro sos caddos e sa bellesa de custu isport a cale si siat pessone, cumpresos sos disàbiles. In su cursu apo istudiadu finas neuropsichiatria e psicologia pro pòdere traballare cun chie tenet s’autismu. Est un’esperièntzia forte, galana e funguda meda. Sa terapia cun s’agiudu de s’animale faghet bene, c’agiudat finas a s’avalorare».
Iscussiende·lu, su caddu, devet èssere passentziosu…
«Pro sas iscolas, de avesu, s’impreant caddos betzos o chi non current prus in sas garas ca sunt prus asseliados. Unu caddu s’iscùssiat dae sos 2 annos in susu. A s’incumentzu si devet avesare a sa presèntzia de su cavalieri. Posca si devet avesare a su sutabentre e a su pesu de sa sedda e de su cavalieri. Pro custa resone, a manera graduale, si li ponet a coddu carchi sacu prenu de pàgia o trigu pro chi s’aveset. Coladas custas fases podet èssere impreadu. Tzertu sos caddos si devent finas pasare in libertade, inghiriados de istima».
Caddu, cavalieri e sentidos… ite ligàmine naschet?
«Giai dae cando su cavalieri ponet su pee in s’istafa, su caddu, cun sa sensibilidade forte sua, intendet s’isse est nerviosu, assustadu e si no at cunfiàntzia. Si narat chi, cun su tempus, intre caddu e cavalieri, b’est su binòmio ca duas entidades divenint petzi una».
So bidende chi, faeddende de sos caddos, sos ogros ti lughent. Issos ite ti dant?
«Sensu de libertade e de bellesa. Ammaniende caddos pro sas garas e pro sas iscolas apo finas imparadu a nde connòschere sos sinnales cando no istant bene. Non so deo chi los faeddo ma sunt issos chi faeddant a mie. In su 2013, a dolu mannu, est mortu su caddu meu. Una parte de mene est bolada cun issu…forsis a brincare carchi ostàculu a galopu in unu tretu de tempus sena làcanas».
Non lasciare decidere l'algoritmo:
scegli La Nuova Sardegna per le tue notizie su Google
